«Дьол уйата» дьиэ кэргэттэргэ уонтан тахса сылы быһа көмөлөстө

Хаҥалас улууһугар «Дьол уйата» уопсастыбаннай түмсүү 2011 сыллаахтан олунньу ыйтан үлэлиир.

Быйыл уопсастыбаннай тэрилтэ 16 хайысханан ыытыллыбыт Ил Дархан гранын  куонкуруһугар кыйыылааҕынан тахсан, кэскиллээх бырайыактары салгыы олоххо киллэрэр былааннаах. «Дьол уйата» уопсастыбаннай түмсүү үгэс быһыытынан «Аҕа уолунаан», «Күһүӊӊү киһи күлбүтүнэн» диэн ыытар тэрээһиннэрэ олохтоохтору биир сомоҕо гына түмсэргэ, өйөһөргө түстээтэ. Бары үлэҕэ көхтөөх уопсастыбанньыктар инкубатор усулуобуйатыгар чоппуускалары таһаараллар, оҕуруот аһын арассаадатын олордон,  сайыҥҥы лааҕырдарга, элбэх оҕолоох ыалларга түҥэтэллэр. Кыһыҥҥы Саҥа дьыллааҕы бырааһынньыктарга «Үтүө санаа кустуга» диэн аһымал аахсыйатын тэрийэллэр. «Ил Дархан гранынан биһиги «Тымныы Моруос оҕонньор» уонна «Хаарчаана» алта көстүүмүн тиктибит.  Онон «оҕонньотторбут» уонна «хаарчааналарбыт» оҕолорого умнуллубат үөрүүнү бэлэхтээтилэр.  Үүммүт Дьиэ кэргэн сылынан сибээстээн 350 элбэх оҕолоох ыаллар оҕолоро «Үтүө санаа кустуга» аахсыйа чэрчитинэн араас бэлэҕи туттулар», – диэн бырайыак салайааччыта Владислав Ксенофонтов иһитиннэрдэ.

Ити курдук, Дьиэ кэргэн уонна Оҕо саас сылларыгар туһуламмыт үгүс тэрээһин сылы быһа үгүс дьиэ кэргэттэргэ үөрүүлээх түгэннэри бэлэхтиэҕэ.