Хаартыска: "Дорҕоон дойду"
Олоҥхо тыйаатырын иһинэн үлэлиир “Дорҕоон Дойду” айар түмсүү Х сылыгар аналлаах «Дорҕоонноох доҕоттор» өрөгөй киэһэтигэр куорат олохтоохторун уонна ыалдьыттарын муус устар 13 күнүгэр ыҥырар.
Улахан кэнсиэртэн киирбит үп байыаннай дьайыы кыттыылаахтарыгар ананар.
“Дойдубут дьылҕата хас биирдиибититтэн, тус бэйэбититтэн тутулуктааҕын умнумаҥ. Тускулбут туһугар турунуоҕуҥ, тыыннаах дорҕоон түһүлгэтигэр кыттыһан төлкө түһүн түстэһиэҕиҥ! Тыыннаах дорҕоон сылаас тыынын ыллыктаһа, ыллам ырыатын ымыылаһа биһигини кытары бииргэ буолуҥ! Норуот күүһэ, көмүөл күүһэ!!!” — диэн кыттааччылар көрөөччүлэрин ыҥыраллар.
Түһүлгэҕэ өрөспүүбүлүкэ улуустарыттан: Анаабыртан, Горнайтан, Дьааҥыттан, Уус Алдантан, Мэҥэ Хаҥаластан, Амматтан, Муоматтан, Намтан, Өймөкөөнтөн, Томпоттон, Сунтаартан, Чурапчыттан уонна Дьокуускай куораттан ырыаһыттар кэлэннэр, ырыа улахан түһүлгэтин түстүөхтэрэ.
Кэнсиэри Аскалон Семенов иилээн-саҕалаан ыытыаҕа, тыыннаах доҕуһуолунан Егор Ефимов, Айсен Кысылбаиков, Дмитрий Готовцев, Иванида Алексеева, Вероника Лыткина, Петр Заровняев, Юрустаан Михайлов, Айсен Федоров, Герасим Павлов –Дьарааһын киэргэтиэхтэрэ.
Буолар сирэ: кулун тутар 13 күнүгэр киэһээ 17.00 чаастан Өксөкүлээх Өлөксөй аатынан Норуоттар доҕордоһууларын дьиэтигэр.
Майа сэлиэнньэтин муниципалитета "Майа Сайына» — Лето Майи: как жители села своими руками изменили территорию…
Кэлэр сылга үбүлүөйдээх Олоҥхо ыһыаҕа Ленскэй оройуонугар ыытыллыаҕа. Сүрүн тэрээһиннэр от ыйын 3–4 күннэригэр буолуохтара,…
Арассыыйа Бэрэсидьиэнэ Владимир Путин куораттары сайыннарыыга уонна тупсарыыга аналлаах мунньах түмүгүнэн дьаһаллары бигэргэттэ. Бу дьаһаллар…
РФ Дьоруойа Александр Находкин Дьокуускай куорат устудьуоннарын уонна оскуола үөрэнээччилэрин кытта патриотическай көрсүһүүлэрин саҕалаата. Бастакы…
Алтынньы 24 күнүн киэһэтиттэн саҕалаан сэтинньи 13 күнүгэр диэри куйаарга Ретрограднай Меркурий кэмэ. Астрологтар сэрэтэллэр:…
Алтынньы 31 күнүгэр Дьокуускайга анал байыаннай дьайыыга сылдьан өлбүт байыас Андрей Георгиевич Исаков («Кречет» позывнойдаах)…