Саха сиригэр Ийэ сылын чэрчитинэн, доруобуйаларыгар хааччахтаах оҕолор төрөппүттэрин уонна эпэкииннэрин мэдиссиинискэй көрүүгэ аахсыйа тэрилиннэ.
Саха сирин Доруобуйа харыстабылыгар министиэристибэтин, доруобуйаларыгар хааччахтаах оҕолор төрөппүттэрин Бүтүн Арассыыйатааҕы уопсастыбаларын Саха сиринээҕи отделениетын уонна “Харысхал” аһымал пуонда холбоһуктаах аахсыйалара дойдуга бастакынан ыытылынна.
Эрэгийиэннээҕи отделение бэрэссэдээтэлэ Алеся Кондратьева эппитинэн, биир кэлим мэдиссиинискэй көрүү өҥөтүнэн туһанарга 150-тан тахса киһи суруйтарбыта.
“Саха сиригэр алта тыһыынчаттан тахса доруобуйатыгар хааччахтаах оҕо баар. Маннык оҕолор төрөппүттэрэ бэйэлэрин доруобуйаларын көрдөрүнэллэригэр бириэмэлэрэ да тиийбэт. Ардыгар хас эмэ сыллар тухары, бэл, терапевка көрдөрө илик буолуохтарын сөп. Тоҕо диэтэххэ, суукканы быһа ыарыһах оҕолорун көрөллөр-истэллэр. Биһиги Доруобуйабыт харыстабылын министиэристибэтэ өйөөбүт аахсыйатын чэрчитинэн төрөппүттэр онкологияҕа анаалыс туттарар, окулистка, кардиологка, неврологка уо.д.а. исписэлиистэргэ көрдөрүнэр кыахтаннылар. Маннык аахсыйа Саха сиригэр эрэ буолбакка, Арассыыйаҕа барытыгар аан бастаан ыытыллар. Инникитин маннык аахсыйа атын эрэгийиэннэргэ киэҥник тарҕатар туһунан толкуйдуубут”, — диэн Алеся Кондратьева кэпсээтэ.
Ону сэргэ, доруобуйаларыгар хааччахтаах оҕолор төрөппүттэрин Бүтүн Арассыыйатааҕы уопсастыбатын Саха сиринээҕи отделениетын (2019 с. тэриллибитэ) көҕүлээһининэн, доруобуйаларын эбии чинчиттэриэн баҕалаахтарага “от күөх көрүдүөр” тэриллиэҕэ. Онон бу оҕолор төрөппүттэрэ кылгас кэм иһигэр наадалаах исписэлиистэригэр эбии көрдөрүнэр кыахтаныахтара.
Хас биирдии үүнээйи туспа ааттаах-суоллаах, суолталаах. Уопуттаах оҕуруотчуттар ханнык сибэккини дьиэҕэ олордору, ханныгы олордуллуо суохтааҕын…
Саха ыалын сиэрэ-туома. Былыр саҥа төрөөбүт уол оҕону абааһыттан кистээн биһигэр бастаан ыт оҕотун угаллара.…
Уруу-аймах ааттарын төһө билэҕин? Бадьа, биллэх диэн кими ааттыылларый? Саха ыалын халандаарыгар бу туһунан баар.…
Быйыл Өймөкөөҥҥө экстремальнай марафон элбэх ахсааннаах кыттааччынан рекорду олохтуур соруктаах ыытылынна. Ол курдук, былырыыҥҥы тэрээһиҥҥэ…
Саха сиригэр 2025 сылга барыта аҕыс хочуолунай үлэҕэ киллэриллибит. Бу бырайыактары олоххо киллэрии нэһилиэнньэлээх пууннары…
Бүгүн, тохсунньу 17 күнүгэр, Тымныы полюһунан аатырар Өймөкөөн улууһугар аан дойдутааҕы таһымнаах улахан успуорт тэрээһинэ…