Хаартыска Елена Потоцкая түһэриитэ
Бүгүн, олунньу 17 күнүгэр, Өймөкөөн улууһун Томтор нэһилиэгэр Тымныы полюһун арыйбыт Сергей Обручев искибиэриттэн өбүгэттэн айдарыылаах удьуор сылгыһыт Дугуйдан Винокуровы ыраах Магадаан уобалаһыгар айаҥҥа атаарыы үөрүүлээх бастакы түһүмэҕэ — уоту аһатыы сиэрэ-туома буолла. Тэрээһиҥҥэ СӨ Бырабыыталыстыбатын бэрэссэдээтэлин солбуйааччы Сергей Местников кытынна.
Өймөкөөн улууһун баһылыга Иннокентий Сивцев «Өбүгэ ыллыгынан айан эспэдииссийэ» дириҥ суолталааҕын бэлиэтээн туран, Дугуйдааҥҥа ситиһиилээх айаҥҥа алгыс тылларын эттэ. СӨ Бырабыыталыстыбатын бэрэссэдээтэлин солбуйааччы Сергей Местников бу айан төрөөбүт дойдуга таптал, өбүгэ үгэстэрин тутуһуу, саха ытык дьонун кэриэстээһин буоларын бэлиэтээтэ.
«Өбүгэ ыллыгынан айан» бырайыагын Дугуйдан Винокуров быйыл Өймөкөөн улууһугар ыытыллар Олоҥхо ыһыаҕар аныыр. Кини саха норуотун икки сүгүрүйэр улуу дьоно — Өймөкөөн улууһун 1-кы гильдиялаах меценат- атыыһыта Николай Кривошапкин уонна саха бөлүһүөгэ Алексей Кулаковскай Магадаан Сэйимчээнигэр айаннаабыт суолларынан аһаҕас халлаан анныгар хаарга хонон айанныаҕа.
Бу олус улахан суолталаах айаҥҥа атаарыы сиэригэр-туомугар улуус нэһилиэктэрин дэлэгэссийэлэрэ, Томтор олохтоохторо, Сочи куораттан кэлэ сылдьар ыраах айан туристара кыттыыны ыллылар.
Сылгыһыт Дугуйдан Винокуров айанын иккис түһүмэҕэ Магадаан уобалаһыгар Дьэкэйтэн аттаныыта олунньу 21 күнүгэр буолуоҕа.
Таһырдьа, айылҕаҕа сылдьыы үксээбитинэн, сааскы кэмҥэ – дьыл баччатыгар сыһыаннаах билгэлэри билиһиннэрэбит. Төһө сөп түбэһэрин…
Оҕурсу итии дойдуттан төрүттээх үүнээйи буоларын быһыытынан, Саха сиригэр тэпилииссэҕэ ордук үчүгэйдик үүнэр, астанар. Хас…
Махталлаах буолуу мындыр өй туоһута. Уруккуну умуннахха муммут, ааспыты ахтыбатаххына хаалбыт буолаҕын диэн норуот уос…
Хаҥалас улууһун орто оскуолаларын 1985 сыллаахха бүтэрбит выпускниктар араас үтүө дьыаланы тэрийэн ыыталлара үгэскэ кубулуйда. …
ЫБММ Саха сиринээҕи кылаабынай управлениетыгар Дьокуускайга Ушаков уулуссаҕа баар рестобар умайбытын туһунан иһитиннэрии киирбит. Баһаарга…
“Надежда” үҥкүү-успуорт кулуубун эдэр спортсменнара, А.Г. уонна Н.К. Чиряевтар ааттарынан Дьокуускай куораттааҕы национальнай гимназия алын…