Бу сааскы билгэлэри кэтээн көрөөрүҥ эрэ

Таһырдьа, айылҕаҕа сылдьыы үксээбитинэн, сааскы кэмҥэ – дьыл баччатыгар сыһыаннаах билгэлэри билиһиннэрэбит. Төһө сөп түбэһэрин кэтээн көрөөрүҥ.

— Кус үөрэ халыҥ буоллаҕына, саас эмискэ кэлэр;

— кус этэ эмис буоллаҕына тымныы, хатааһыннаах саас буолар;

— ньургуһун, алтан от сааһыары сайын иккистээн таҕыстахтарына, өҥ сайын кэлэр;

— ньургуһун биир олохтон хойуутук (14-15) үүннэҕинэ, кэлэр сайын өҥ, үүнүүлээх буолар;

— ньургуһун саас эрдэлээн тахсан иһэн кэҕиннэҕинэ, кэлэр сайын тыаллаах-куустаах, хаҕыс, кураан буолар, өрт уота элбиир;

— ньургуһун сибэккитэ улахан уонна ньалҕаархай буоллаҕына, үчүгэй сайын үүнэр;

— ньургуһуна суох, үрүмэччи аҕыйах сааһыгар хара хапсыырдаах, тымныы, хаҕыс саас буолар;

— кэҕэ кэлэҕэйдиир буоллаҕына – сотору ардыыр;

— кэҕэ быыстала суох тохтообокко эттэҕинэ, кураан күннэр уһуннук тураллар;

— куһаҕан дьыл буолар сааһыгар кэҕэ аҕыйахтык этэр.

“Сахалыы күнү-дьылы билгэлээһиннэр” кинигэттэн, И.Сосин, И.Неустроев.