Дьуһуурунай борокуруор: быһаҕынан анньыллыы, наркотигынан эргинии…

Ааспыт сууккаҕа буруйу оҥоруу 6 түбэлтэтэ бэлиэтэнэн, СӨ Борокуратууратын хонтуруолугар киирдэ.

Уус Алдан улууһугар 1977 сыллаах төрүөх эр киһи быһаҕынан анньыллан балыыһаҕа киллэрилиннэ.

Дьокуускайга итирэн баран хаттаан уруулга олоруу, сымыйа суоппар ыытар быраабын туһаныы түгэннэрэ  бэлиэтэннилэр.

Ленскэйгэ тэрилтэ   контейнерыттан уопсайа 648 тыһ. солк. суумалаах  18 покрышканы уорулунна.

Киин куоракка уонна   Нерюнгри оройуонугар сокуону кэһэн наркотигынан эргинии тутулунна.

Удачнай куорат таһыгар эр киһи 1974 сыллаах төрүөх киһини массыынанан түҥнэри көттө. Эр  киһи  ыарахан эчэйиини ылан, саахал тахсыбыт сиригэр өллө.

Дьокуускайга суол быһылааныгар 1988 с.т. эр киһи  эчэйиини ылан балыыһаҕа киллэрилиннэ.