Дьуһуурунай борокуруор иһитиннэрэр

Суукка устата Саха сиригэр буруйу оҥоруу тоҕус түбэлтэтэ бэлиэтэннэ.

Ол курдук, түөкүттэр «таах олорботтор». Дьокуускайга уонна Нерюнгригэ 5,8 мөл. солк. албыннаан ыллылар. Нерюнгри олохтооҕуттан «Судаарыстыбаннай өҥө» үлэһитэ аатыран, 3,1 мөл. харчытын апчарыйдылар.

Уус Алдан уонна Хаҥалас оройуоннарыгар наркотигынан эргинээччилэри туттулар. Киин куоракка булт саатын харайыыга, арыгыны көҥүлэ суох атыылааһыҥҥа сыһыаннаах чахчылар билиннилэр.
Хата, киһи өлүүлээх суол быһылаана тахсыбатах.
Бачча халтараан кэмигэр итирик туруктаах сылдьан массыынаны ыыппыт 5 киһи тутулунна.