Дьуһуурунай борокуруор: Мархаҕа 43 саастаах дьахтары өлөрбүттэр

Саха сиригэр ааспыт сууккаҕа 8 буруйу оҥоруу бэлиэтэммит. Бу туһунан СӨ Борокуратууратын пресс-сулууспата суруйар.

Мархаҕа Строд уулусса биир дьиэтигэр 43 саастаах дьахтары өлөрбүттэр. Уорбаланааччы тутуллубут, холуобунай дьыала тэрилиннэ. Дьокуускайга суотабай төлөпүөнү уорбуттар. Нерюнгрига эр киһи интэриниэт нөҥүө саҥа массыына атыылаһаары 1,6 мөл. солк. уордарбыт.

Нам оройуонугар наркотигы сокуоннайа суох эргиниигэ буруйу оҥоруу бэлиэтэммит. Дьокуускайга уонна Нерюнгри оройуонугар иккиһин итирик туруктаах сылдьан  уруулга олорбут чахчылара быһаарылынна.

Алдаҥҥа ««Тойота-Калдина» мааркалаах массыынаны күрэппиттэр. «Бүлүү» айан суолун 25 км «Киа-Селтос» массыына суоппара «Сузуки GSX R 600» матаһыыкылы кытта харсыспыт. Саахал түмүгэр суоппар араас эчэйиилээх балыыһаҕа киирбит. Сууккаҕа 19 итирик туруктаах уруулга олорбут суоппар тутуллубут.