«Дыгын оонньууларыгар» кыттар 12 бөҕөс ааттара билиннэ

Бу күннэргэ Дьокуускайга «Дохсун» успуорт киинигэр «Дыгын оонньууларын» үһүс сүүмэрдиир түһүмэҕэ ыытылнна. Бүгүн түмүктэнэн, түөрт бөҕөс оонньууларга кыттар быраабы ылла диэн СИА суруйар.

Ол курдук, үһүс сүүмэрдиир түһүмэххэ ситиһиилээхтик кыттан, Алексей Уваровскай (Кэбээйи), Николай Матаннанов (Таатта), Тимофей Большаков (Сунтаар) уонна Владимир Шологонов (Үөһээ Бүлүү) бүтэһик путевкалары туттулар.

Оттон бу иннинэ ыытыллыбыт Чөмпүйүөн Куубагар уонна Саха сирин чөмпүйэнээтигэр инники тахсаннар, Дьулустан Ноговицын (Горнай), Артём Дьяконов (Кэбээйи), Айсен Ботуев (Үөһээ Бүлүү), Яков Дмитриев (Кэбээйи), Борис Сдвижков (Амма), Алексей Соколов (Сунтаар), Николай Обоев (Ньурба), Павел Друзьянов (Чурапчы) «Дыгын оонньууларын» финалыгар кыттар быраабы ылбыттара.