Ефим Степановка “Арассыыйа норуодунай артыыһа”  бочуоттаах аат иҥэрилиннэ

П.А.Ойуунускай аатынан СӨ Саха академическай тыйаатырын артыыһа Степанов Ефим Николаевичка “РФ норуодунай артыыһа” бочуоттаах аат иҥэрилиннэ.

“П.А.Ойуунускай аатынан СӨ Саха академическай тыйаатырын артыыһа Степанов Ефим Николаевич тыйаатыр ускуустубата сайдыытыгар үтүөлэрин иһин “РФ норуодунай артыыһа” бочуоттаах ааты иҥэрэргэ” диэн дойду Бэрэсидьиэнэ “РФ судаарыстыбаннай наҕараадаларынан  наҕараадалыыр туһунан” ыйааҕар суруллар.

Биир дойдулаахпытын, киэн туттар артыыспытын Ефим Николаевиһы үрдүк наҕараадатынан эҕэрдэлиибит.