Хаартыска: Евгений Кривошапкин тиксэриитэ.
Бу күннэргэ Өймөкөөн улууһун Томтор нэһилиэгэр уот ситимин саҥардыыга хапытаалынай өрөмүөн ыытылла турар.
Сүрүн бэдэрээтчит “Капитал” ХЭУо былырыын “Сахаэнерго” АУо кытта дуогабар түһэрсэн баран, үлэтин сайыҥҥыттан саҕалыахтаах этэ да, Өймөкөөн улууһугар от ыйыгар улаханнык халааннаан, үлэ тохтоон хаалбыта.
– Алдьатыылаах айылҕа иэдээнин хоромньутун чөлүгэр түһэрии үлэтэ түмүктэммитин кэнниттэн, айан суола аһыллаатын кытта, былырыын күһүн тутуу матырыйаалын тиэйэн аҕалбыппыт. Быйыл сааскыттан прораб Герасим Васильев, прораб Федот Баишев, бурильщик Дмитрий Неустроев салайар 7 киһилээх биригээдэлэрэ өрөмүөн үлэтин саҕалаан, бу күннэргэ “Куйдуһун” уонна “Аэропорт” учаастактарыгар 10 кВ уот ситимин лииньийэтин тардан бүтэрдилэр.
Кэлэр нэдиэлэттэн аны Томторго бэйэтигэр бөһүөлэк иһинээҕи 0,4 кВ СИП-лииньийэтин саҥардыы барыаҕа. Бу ыйга үлэ түмүктэниэҕэ, — диэн бэлиэтээтэ “Капитал” ХЭУо генеральнай дириэктэрэ Евгений Кривошапкин.
Ити курдук, былырыын сайын Өймөкөөн улууһугар улахан хоромньуну таһаарбыт халаан содула үлэ хаамыытын улаханнык атахтаан, араас хайысхалаах үлэни күн бүгүҥҥэ диэри бүтэрэ-оһоро сылдьаллар.
Мин Кириэс Халдьаайыга кэлиэхпиттэн Мария Фёдоровнаны оскуола остолобуойугар көрөрүм уонна учууталларга ураты ытыктабыллаахтык сыһыаннаһарын бэлиэтиирим.…
Норуот сомоҕолоһуутун күнүн чэрчитинэн Дьокуускайга улахан патриоттуу тыыннаах кэнсиэр ыытыллар. Манна байыаннайдартан турар «Мы Есть…
Анал байыаннай дьайыы кыттыылаахтарын 10 мөлүйүөн солкуобайга диэри иэстэрин тохтотуу быраабылатыгар сокуон үлэлииригэр өссө биир…
Бу күннэргэ хоту дойду үгүс олохтоохторо кыстыыр балыктарын булунаары, айахтарыгар сииллэригэр анаан муус аннынан балыктыыллар.…
Күһүн, кыһын хаар түстэҕинэ, ириэрдэҕинэ, суолга муус-хаар бөлтөркөйдөр үөскээн, массыынаҕа да, сатыы дьоҥҥо да мэһэйдииллэр.…
Бүгүн, алтынньы 29 күнүгэр, Дьокуускай куорат Губинскай уокуругар саҥардыллыбыт Ефимов уулуссата үлэҕэ киирдэ. Бу суол…