Бу күннэргэ улуустааҕы дьаһалта иһинэн үлэлиир Өймөкөөнтөн быстах байыаннай хомуурга барбыт дьонноох дьиэ кэргэттэргэ көмөлөһөр соруктаах суһал ыстаап үлэтин саҕалаата.
Ыстаабы баһылыгы социальнай боппуруостарга солбуйааччы Раиса Садыкова салайар.
Бүгүҥҥү күҥҥэ быстах байыаннай хомуурга Өймөкөөн улууһуттан 34 эдэр киһи ыҥырылынна. Бастакы тэрээһин мунньахха хомуур кэмигэр көстүбүт уустук боппуруостары ырыттылар. Дьоҥҥо ордук юридическэй уонна психологическай көмө наадата бэлиэтэннэ. Ол курдук, бу күннэргэ быстах байыаннай хомуурга түбэспит дьиэ кэргэттэргэ 200 тыһыынча солкуобай көмө көрүллэр эбит буоллаҕына, саахсаламмакка «гражданскай ыал буолуунан» муҥурданан олорбуттарга, бу көрүллэр чэпчэтиинэн туһаныыга уустуктар бааллар. Ол ону учуоттаан, дойду үрдүнэн курдук, улуустааҕы ЗАГС ыччаттар сокуонунан ыал буолар докумуоннарын кинилэр көрдөһүүлэрин тутаат да, хааччаҕа суох тустаах докумуону толорон биэрэр буолла. Бастакы хомуурга түбэспиттэр ортолоругар сокуонунан ыал буолуу докумуоннарын толорторбокко барбыт дьон дьиэ кэргэттэрэ бааллар эбит. Өскө оннук ыал биир дьиэҕэ пропискалаах буоллахтарына, уопсай оҕолоро эмиэ ол онно суруллубут буоллахтарына, дьыала оннуттан хамсыан сөп. Ол эрээри пропискалара атын-атын буолар түбэлтэтигэр, дьиэ кэргэттэр чэпчэтиинэн туһаналлара уустуктардаах эбит. Бу боппуруоһу быһаарыыны ыстаап биир бастакынан болҕомтоҕо ылла.
Улуустааҕы үөрэх управлениетын бэрэстэбиитэлэ Татьяна Николаева иһитиннэрбитинэн, бүгүҥҥү күҥҥэ быстах байыаннай хомуурга түбэспит дьон оҕолоро: Уус Ньаратааҕы гимназия, Игорь Хоменко аатынан оскуола, Герасим Кривошапкин аатынан Төрүт, Татьяна Скрыбыкина аатынан Сордоҥноох, Николай Кривошапкин аатынан Өймөкөөн орто оскуолаларын сэттэ үөрэнээччитэ уонна Уус Ньаратааҕы «Березка» уонна 3 №-дээх уһуйааннар түөрт иитиллээччилэрэ оскуолаҕа босхо аһынан уонна уһуйааҥҥа босхо сылдьар чэпчэтиинэн туһаналлар.
Элбэх өҥөнү оҥорор киин улуустааҕы салаатын кылаабынай исписэлииһэ Лидия Столярчик юридическэй боппуруостарга сыһыаннаах өҥөлөрү быстах байыаннай хомуурга түбэспит дьон дьиэ кэргэттэрэ улуустааҕы «Мин докумуонум» элбэх өҥөнү оҥорор киин офиһыгар босхо өйөбүлүнэн туһаныахтарын сөбүн туһунан эттэ.
Ыстаап бастакы быһаарыыны ылынна. Ол курдук, улуустааҕы дьаһалта инфраструктураны уонна правовой тэрээһини хааччыйар тэрилтэтин салайааччыта Борис Скрыбыкин иһитиннэрбитинэн, оройуон социальнай-экэнэмиичэскэй сайдыытыгар туһуламмыт Пуонда иһинэн муниципалитет баһылыгын дьаһалынан быстах байыаннай хомуурга түбэспит дьоҥҥо туһаайыллыбыт харчынан өйөбүл счета аһылынна. Бу боппуруоһу чопчу ыстаап сүрүннүөҕэ.
Ыстаап маны таһынан волонтердар үлэлэрин сөргүтүүгэ ылыста. Сыстыганнаах дьаҥ кэмигэр улуус волонтердара бэрт киэҥ далааһыннаах үлэни ыыппыттара. Онон нэһилиэктэринэн быстах байыаннай хомуурга түбэспит дьиэ кэргэннээх ыалларга өйөбүл арааһа оҥоһуллуоҕа. Виктория Котковец салайар оройуон киинин ыччаттарын түмсүүлэрэ маннык үлэни ыытыыга бастакынан ылыста. Мунньахха ыстаап салайааччыта Раиса Садыкова Уус Ньара бөһүөлэгин баһылыгын э.т. Алексей Проскуриҥҥа быстах хомуурга түбэспит эдэр киһи дьиэ кэргэнигэр тиийэн ититэр ситимнэри уларытан, суһаллык өйөбүл оҥорон, икки оҕолоох ыал кыһалҕатын быһаарбыттарыгар махталын биллэрдэ.
Суһал ыстаап нэдиэлэ аайы мустан тирээн турар боппуруостары ити курдук ырытан, түмүгү таһааран иһэр былааннаах.
Оҕону иитэ ылар ыалга (эппэкииннэргэ, попечителлэргэ) биирдэ бэриллэр төлөбүр төлөнөр. Кинилэр РФ гражданнара буолуохтаахтар уонна…
Бу күннэргэ дойду тэбэр сүрэҕэр, Москва куоракка, «Хоту сир баайа. Арассыыйа маастардара уонна худуоһунньуктара» быыстапка-дьаарбаҥка…
Муус устар 30 күнүгэр уонна ыам ыйын 1 күнүгэр Күҥҥэ күүстээх эстиилэр буоллулар. Онон ыам…
Ойуур баһаардара дьон олоҕор, кыылга-сүөлгэ уонна үүнээйилэргэ улахан кутталы үөскэтэллэр. Ойуур хаһаайыстыбатын сулууспатыгар эрийэн тиийэр…
Ыам ыйа - Айыыһыт түһэр кэмэ. Саха айылҕаҕа сүгүрүйэн, араас туому толорор. Сайын саҕаланар. Иэйиэхсит…
Халлаан сылыйан, хаар ууллан, аны өрүстэр эстэллэрин, муус барыытын кэтээһин-манааһын саҕаланна. Өлүөнэ тардыытынааҕы уу салалтата…