Элбэх өҥөнү оҥорор дьиэ кэргэн киинин нэдиэлэтэ ыытылынна

Муус устар 1-6 күннэригэр Арассыыйаҕа Элбэх өҥөнү оҥорор дьиэ кэргэн Кииннэрин нэдиэлэтэ ыытыллар. Бу маннык кииннэр, бастатан туран, оҕолоох дьиэ кэргэттэргэ көмөлөһөр соруктаахтар.

Саха сиригэр бастакы Элбэх өҥөнү оҥорор дьиэ кэргэн Киинэ Чурапчыга сокуоннай саастарын туола илик оҕолор социальнай-реабилитационнай кииннэрин баазатыгар тэриллибитэ.

Бу нэдиэлэҕэ манна араас тэрээһиннэр ыытылыннылар. Бастакынан, Аһаҕас аан күнүгэр дьиэ кэргэттэргэ экскурсиялар, логопед, психолог, адаптивнай физкултуура исписэлииһин консультациялара, психологическай трениннэр, дьыалабыай оонньуу буоллулар.

Муус устар 2,4 күннэригэр Бахсы-Чыаппара, Чакыр-Хайахсыт хайысханан сылдьан, дьиэ кэргэттэри кытта үлэлээтилэр. Бу сырыыларыгар оҕолоох дьиэ кэргэттэртэн элбэх ыйытыы киирдэ.

Оттон муус устар 3 күнүгэр киин үлэһиттэрэ Мэҥэ Хаҥалас улууһун социальнай үлэһиттэрин кытта көрүстүлэр, уопут атастастылар.
Чурапчыга Элбэх өҥөнү оҥорор дьиэ кэргэн киинин үлэһиттэрэ «Көхтөөх уһун үйэлэнии» бырагырааманан аҕам саастаах дьону кытта үлэҕэ болҕомтолорун уураллар. Үлэлээбэт биэнсийэлээхтэргэ социальнай хантараак туһунан кэпсииллэр, үбү-харчыны сатаан туһанарга үөрэтэллэр.

Муус устар 5 күнүгэр оскуола үөрэнээччилэригэр «Кыһыны атаарыы» бырааһынньыгын бэрт көхтөөхтүк, бэһиэлэйдик тэрийэн ыыттылар.