«Өлбөт үйэлээх полк» тэрээһин «атын» ньыманан ыытыллыаҕа

Быйыл үгэскэ кубулуйбут «Өлбөт үйэлээх полк» тэрээһини Арассыыйа үрдүнэн атын ньыманан ыытарга быһаарыы ылылынна диэн «Российская газета» суруйар.

Бу туһунан «Арассыыйатааҕы өлбөт үйэлээх полк» ХЭО киин ыстаабын хос бэрэссэдээтэлэ, Госдуума Үлэҕэ, социальнай бэлиитикэҕэ уонна бэтэрээннэр дьыалаларыгар кэмитиэтин бэрэссэдээтэлин бастакы солбуйааччы Елена Цунаева иһитиннэрдэ. Ол курдук,  бу аахсыйаны Елена Цунаева этэринэн, «атын көрүҥнэринэн» ыам ыйын 1 күнүттэн ыам ыйын 12 күнүгэр диэри салҕанан ыытыллыаҕа.

РФ Үөрэҕин миниистирэ Сергей Кравцов Кыайыы күнэ дойду оскуолаларынан хайдах бэлиэтэнэрин туһунан кэпсээтэ. Бу бырааһынньыкка аналлаах «Разговоры о важном» уруоктар ыытыллыахтара, оттон ыам ыйын 6-8 күннэригэр «Герои рядом с нами» аахсыйа чэрчитинэн Аҕа дойду Улуу сэриитин кыттыылаахтара уонна анал байыаннай дьайыы дьоруойдара ыҥырыллыахтара.