Өрөбүлгэ саахымакка түргэн оонньууга турнир ыытыллыаҕа

Тохсунньу 29 күнүгэр Дьокуускайга Дуобат-саахымат өрөспүүбүлүкэтээҕи киинигэр саахымакка түргэн оонньууга турнир ыытыллыаҕа. Турнир Арассыыйа Куубагын түһүмэҕин чэрчитинэн ыытыллыаҕа.

Турнирга үһүстэн кырата суох разрядтаах саахыматчыттар кыттыахтара. Күрэхтэһии швейцарскай систиэмэнэн 11 туурдаах ыытыллыаҕа. Хас биирдии спортсмеҥҥа биир партияҕа үс мүнүүтэ уонна хаамарыгар 2 сөкүүндэ бэриллиэҕэ. Гроссмейстер уонна норуоттар икки ардыларынааҕы кылаастаах маастар аата суох дьон 500 солкуобай усунуос төлүөхтэрэ.

Кыайыылаахтары мэтээллэринэн, грамотанан уонна сыаналаах бириистэринэн наҕараадалыахтара. Бастыҥнарга анал ааттар, номинациялар туттарыллыахтара.

Турнир бу өрөбүлгэ, тохсунньу 29 күнүгэр, 10 чаастан саҕаланыаҕа.