Өрөбүллэргэ оптуобус сырыытын кыраапыга уларыйыаҕа

Өрөспүүбүлүкэ күнүнэн уонна Саас, Үлэ бырааһынньыктарынан сибээстээн, муус устар 27 күнүттэн ыам ыйын 1 күнүгэр диэри, Дьокуускайга уонна куорат таһыгар айанныыр оптуобустар өрөбүл күн кыраапыгынан сылдьыахтара. 

Ол курдук, өрөбүл уонна бырааһынньыкттааҕы күннэргэ оптуобус ахсаана биллэ аҕыйыаҕа. Онон сырыы-айан бытаарыаҕа. Бастакы оптуобустар сарсыарда 7 — 7.30 чаастан хоҥнуохтара. Сырыыларын икки ардын бириэмэтэ — 8-20 мүнүүтэ. Киэһэ өттүгэр дьуһуурунай оптуобус сылдьыаҕа.

Онон бырааһынньык күннэргэ дьыалаҕытын, көрсүһүүлэргитин эрдэ былааннааҥ.