Өрөспүүбүлүкэ күнүгэр оһуохай буолуоҕа

Саха Өрөспүүбүлүкэтин күнүгэр киин куорат олохтоохторун уонна ыалдьыттарын Саха Өрөспүүбүлүкэтин күнүгэр, муус устар 27 күнүгэр, кэтэһиилээх-манаһыылаах Саха АССР төрүттэммитэ 102 сылыгар ананар оһуохайга ыҥыраллар.

Оһуохай киэһэ 17:30 чаастан «Доҕордоһуу» болуоссатыгар саҕаланыаҕа. Бу күн, бу кэмҥэ саха дьоно атын улуустарынан уонна оройуоннарынан эмиэ оһуохай тэрийэн ыытыахтара. Оһуохайга ким баҕалаах кыттыан сөп.

Ону кытта бырааһынньык күнүгэр Саха Өрөспүүбүлүкэтин Өрөгөй ырыатын толорууга флешмоб ыытыллыаҕа. Сарсыарда 11:00 чаастан Саха сирин судаарыстыбаннай уонна бэлитиичэскэй диэйэтэллэр пааматынньыктарыгар сибэкки дьөрбөтүн ууруу сиэрэ-туома буолуоҕа.

Күнүс 12:00 чаастан Орджоникидзе аатынан болуоссакка Саха Өрөспүүбүлүкэтин күнүгэр анаммыт бырааһынныктааҕы кэнсиэр, ону кытта РФ пааспардарын туттарыы сиэрэ-туома тэриллиэҕэ. Бу чааска «Лена» киинэ тыйаатырыгар «Путь Президента» документальнай киинэ премьерата көстүөҕэ.