Тохсунньу 9-15 күннэрэ, Арассыыйаҕа эти-сиини сайыннарарга актыыбынай олоҕу өрө тутуу нэдиэлэтинэн биллэрилиннэ.
Доруобуйа харыстабылын бүтүн аан дойдутааҕы тэрилтэтэ 18-64 диэри саастаах дьон нэдиэлэҕэ 150 мүнүүтэни сөбүгэр соҕус хамсаныыга эбэтэр 75 мүнүүтэни тэтимнээх ноҕуруускаҕа аныылларыгар сүбэлиир. Нэдиэлэҕэ икки күн былчыҥ систиэмэлэрин бөҕөргөтөр эрчиллиилэринэн дьарыктаныҥ, бу доруобуйаҕа эбии туһаны аҕалар. Ону таһынан хамсаммакка олорор эбэтэр таах сытар бириэмэни аҕыйатар ордук.
Эт-сиин актыыбынаһын көҕүлүүр киэҥник биллэр эрчиллиилэргэ хаамыы, бэлэсипиэти тэбии, роликтаах хаҥкынан хатааһылааһын, успуордунан дьарыктаныы, көхтөөх сынньалаҥ уонна оонньуулар киирсэллэр. Маныаха маастарыстыба ханнык баҕарар таһыма сөп түбэһэр уонна эрчиллэр киһиэхэ дуоһуйууну аҕалар.
-Эрчиллиҥ. Эти-сиини имитии 10-тан элбэх мүнүүтэни ылыа суоҕа, ол оннугар сэргэх сылдьарга көмөлөһөр уонна күнүҥ көдьүүстээх буоларыгар көҕүлүүр.
-Түгэн көһүннэр эрэ, сатыы сылдьыҥ. Булгуччу пааркаҕа баран, онно хас да чааһы атаарыллар диэн буолбатах. Үлэ быыһыгар кэбиниэккитигэр эбэтэр көрүдүөргэ хаамыталыаххытын да сөп. Ону тэҥэ үлэҕэ бараргытыгар биир-икки тохтобулу эрдэ түһэн, сатыы хаамыҥ.
-Кирилиэһи өрө тахсыҥ. Маннык дабайыы эһиги сүрэххитин эрчийэр, атаххыт былчыҥнарын бөҕөргөтөр уонна көннөрү хаамардааҕар элбэх калорий “сиэнэригэр” көмөлөһөр.
-Маҕаһыыҥҥа тэлиэскэ оннугар корзинаны туһаныҥ. Оччотугар эмиэ элбэх калорийы “сиэтиэххит” уонна сарыҥҥа үчүгэй эрчиллиинэн буолар. Маҕаһыыҥҥа сатыы тиийэр буоллаххытына, икки бакыаттаныҥ уонна бородууктаҕытын икки илиигит тэҥ ноҕуруускалаах буоларын курдук уктуҥ.
-Массыынаҕытын ыраах тохтотуҥ. Дьон үксэ массыыналарын олорор дьиэлэрин, Эргиэн дьиэлэрин эбэтэр офистарын ааныттан төһө кыалларынан чугас тохтото сатыыр. Ити сыыһа, эһиги чугас доҕоргутунан хамыы буоларын умнумаҥ.
-Хамсаныылаах оонньуулары оонньооҥ. Оҕолордоох буоллаххытына, актыыбынай олоҕунан олороргутугар төрүөт элбэх эбит. Улахан уонна дьоһуннаах киһи буоларгытын умна түһүҥ. Оҕолоргутун кытары сырсыаккалаһа оонньооҥ, хаарынан бырахсыҥ. Бу сүбэ ыттаах дьоҥҥо эмиэ сөп түбэһэр. Тоҕо диэтэххэ, ыккыт эмиэ кинини кытары оонньоһоллорун курдук үөрүөҕэ.
(СӨ Доруобуйа харыстабылын министиэристибэтин пресс-сулууспатын матырыйаалларынан)
Аҕа дойду Улуу сэриитин кэмигэр саамай хаан тохтуулаах кырыктаах кыргыһыы Ржев куорат аттыгар буолбута. Бу…
Бүгүн, ыам ыйын 8 күнүгэр, Саха сиригэр биллэр судаарыстыбаннай диэйэтэл, физкултуурунай-успуорт хамсааһынын тэрийээччи Николай Николаевич…
Ыам ыйын 8 күнүгэр, Кыайыы 79 сылын көрсө, Саха сирин суруналыыстара Дьокуускайга Бэчээт дьиэтин таһыгар,…
Бүгүн, ыам ыйын 8 күнүгэр, Дьокуускайга Кыайыы болуоссатыгар Кыайыы Знамятын күөрэччи көтөҕүү сиэрэ-туома ыытылынна. Кыайыы…
Судаарыстыбаннай түмүктүүр аттестация ыытыллар болдьоҕор олоҕуран, 9-с кылааһы бүтэрээччилэргэ ыам ыйын 7 күнүгэр, омук тылларыгар,…
Саха сирин тирэх пууннарын байыастара ДНӨ уонна ЛНӨ сиригэр бу күннэргэ Саха сириттэн сулууспалыы тиийбит…