Евдокия Иванова-Дьэбдьиэй: «Саха саллаата»

“Саха сирэ” хаһыат (sakha-sire.ru) хорсун-хоодуот буойуттарбытыгар анаан, дойдуга бэриниилээх буолууга иитэр соруктаах хоһоон куонкуруһун биллэрбитэ.

Куонкуруспут 49-с кыттааччыта Үөһээ Бүлүүттэн Иванова Евдокия Георгиевна — Дьэбдьиэй

Саха саллаата

Кыайыыны-хотууну эрэнэн

Иннигэр туох буолуон билбэккэ

Кыракый алаастан, сэриигэ аттаммыта

Дьоҥҥун харыстаар диэн

Соҕотох балтын сыллаан ылбыта

Сүүрбэлээх саха саллаата.

Дойдутуттан кый ыраах тэйбитэ,

Ааспыта ыарахан сэриини,

Билбитэ уот айдаан ортотун

Ханна да барарын билбэккэ

Турбута санааҕа ылларан

Сүүрбэлээх саха саллаата.

Ол, онтон ытыалаан бараллар

Буулдьа сыыһа-халты ааһар,

Санаабыт санаата ыһыллар

Бомба көтүппүт буоругар

Хаалбыта дууһата, билбэт сиригэр

Сүүрбэлээх Саха саллаата.

Буойуннар кэриэстээн ааһаллар

Биллибэт саллаат иннигэр,

Кэм кэрдии ааспытын кэннэ

Дойдутун буоруттан аҕалан

Кырдьаҕас ийэтэ

Уурбута оргууйдук уҥуоҕар,

Албан аат иҥэрбитэ

Сүүрбэлээх саллаат уолугар.