Гарааһы эмиэ тоҕо уорда?

Дьокуускайга ИДьМ 4 № полиция отделын дьуһуурунай чааһыгар эр киһи портативнай гарааһын уорбуттарын туһунан иһитиннэрбит.

Баайы- дуолу уорууну арыйыыга отдел уонна 4 №- дээх полиция отделын үлэһиттэрин бииргэ суһал-ирдиир үлэлэринэн, 27 саастаах олохтоох киһи тутуллубут.

Быһаарыллыбытынан, уорбаланааччы Дзержинскэй уул. бэйэтин дьиэтин тиэргэнигэр портативнай гарааһынан сабыллан турар массыынаны бэлиэтии көрбүт. Ким да кэтээбэтин билэн, бу киһи массыына бүрүллэн турар гарааһын уоран ылбыт.

РФ Холуобунай кодексатын 158 ыст. 2 ч. «Уоруу» диэнинэн холуобунай дьыала тэриллибит.

ИДьМ пресс-сулууспата