Хаартыска: ЯСИА архыыбыттан
Саха сиригэр муус устар 24 күнүттэн ыам ыйын 9 күнүгэр диэри «Георгиевскай лиэнтэ» Бүтүн Арассыыйатааҕы аахсыйа ыытыллар.
«Кыайыы волонтёрдара» өрөспүүбүлүкэ олохтоохторугар лиэнтэлэри — Аҕа дойду Улуу сэриитин сылларыгар сэбиэскэй норуот хорсун быһыытын үйэтитэр бэлиэни түҥэтэллэр.
Дьокуускайга лиэнтэни түҥэтэр түөрт сүрүн пуун тэрилиннэ: Өрөспүүбүлүкэ, Кыайыы, Орджоникидзе уонна Доҕордоһуу болуоссаттарыгар. Киин куоракка 100-чэ волонтер, оттон өрөспүүбүлүкэ үрдүнэн 1000 кэриҥэ баҕа өттүнэн көмөлөһөөччү кыттар.
Саха Өрөспүүбүлүкэтин Ыччат дьыалаларыгар уонна социальнай коммуникацияларга миниистирэ, байыаннай дьайыы бэтэрээнэ, «Биир ньыгыл Арассыыйа» баартыйа Президиумун чилиэнэ Петр Шамаев эрэгийиэҥҥэ 100 тыһыынчаттан тахса лиэнтэни түҥэтэр былааннаахтарын иһитиннэрдэ.
«Георгиевскай лиэнтэ — Аҕа дойду Улуу сэриитин сылларыгар биһиги эһэлэрбит хорсун быһыыларын уонна сырдык мөссүөннэрин үйэтитэр дьоһун бэлиэ буолар. Барыгытын көхтөөхтүк кыттарга уонна бу бэлиэ суолтатын үүнэн иһэр көлүөнэҕэ кэпсииргэ ыҥырабын», — диэн Петр Шамаев бэлиэтээн эттэ.
Лиэнтэлэри кытта волонтердар «Биһиги умнубаппыт, биһиги киэн туттабыт!» диэн санатар листовкалары биэрэллэр.
«Георгиевскай лиэнтэ» аахсыйа сыала — историческай өйдөбүлү харыстааһын, байыаннай албан аат бэлиэлэригэр ытыктабыллаах сыһыаны олохтооһун уонна бу сыаннастары үүнэн иһэр көлүөнэҕэ тиэрдии.
Мин Кириэс Халдьаайыга кэлиэхпиттэн Мария Фёдоровнаны оскуола остолобуойугар көрөрүм уонна учууталларга ураты ытыктабыллаахтык сыһыаннаһарын бэлиэтиирим.…
Норуот сомоҕолоһуутун күнүн чэрчитинэн Дьокуускайга улахан патриоттуу тыыннаах кэнсиэр ыытыллар. Манна байыаннайдартан турар «Мы Есть…
Анал байыаннай дьайыы кыттыылаахтарын 10 мөлүйүөн солкуобайга диэри иэстэрин тохтотуу быраабылатыгар сокуон үлэлииригэр өссө биир…
Бу күннэргэ хоту дойду үгүс олохтоохторо кыстыыр балыктарын булунаары, айахтарыгар сииллэригэр анаан муус аннынан балыктыыллар.…
Күһүн, кыһын хаар түстэҕинэ, ириэрдэҕинэ, суолга муус-хаар бөлтөркөйдөр үөскээн, массыынаҕа да, сатыы дьоҥҥо да мэһэйдииллэр.…
Бүгүн, алтынньы 29 күнүгэр, Дьокуускай куорат Губинскай уокуругар саҥардыллыбыт Ефимов уулуссата үлэҕэ киирдэ. Бу суол…