Горнайга суһал ыстааптар тэрилиннилэр

Горнай улууһугар билиҥҥи туругунан окко, дьэ, маассабайдык киирэн эрэллэр. Кэлэ-кэлэ түһэр ардах отчуттары улаханнык харгыстаата.

Улуустааҕы тыа хаһаайыстыбатын управлениета иһитиннэрбитинэн, нэһилиэктэргэ ходуһалары кэрийэн көрүү түмүгэр от үүнүүтэ куһаҕана суох эрээри, кылгас. Ууга сытар ходуһалары эмиэ көрдүлэр. Ол түмүгүнэн быйыл илиинэн оттооһуну күүһүрдэргэ этилиннэ.

Оттооһуҥҥа суһал ыстааптары бары нэһилиэктэргэ тэрийдилэр. Онон от үлэтин хаамыыта болҕомто киинигэр тутуллар.