Госдуумаҕа дьиэ хаһаайкаларыгар эбии төлөбүр аныыр туһунан сокуон барыла оҥоһулунна

Госдуумаҕа Үлэҕэ, социальнай бэлиитикэҕэ уонна бэтэрээннэр дьыалаларыгар кэмитиэтин баһылыга Ярослав Нилов (ЛДПР) дьиэ хаһаайыстыбатынан дьарыктанар Арассыыйа олохтоохторугар ыйдааҕы төлөбүр аныыр туһунан сокуон барылын оҥорон киллэрдэ.

Сокуон барыла ылыллар түбэлтэтигэр төлөбүр дойду дьиэ кэргэн чилиэннэрин кытта дьиэ-уот хаһаайыстыбатынан эрэ дьарыктанар дьоҥҥо тарҕаныа. Бу сокуон барылынан төлөбүрү дьиэ-уот хаһаайыстыбытанынан дьарыктанааччыларга (аһы-үөлү бэлэмнээһин, иистэнии, таҕаһы сууйуу, дьиэни сууйуу-сотуу, ыраастааһын уо.д.а.), 1,5 саастарын туолбут оҕолору, инбэлиит оҕолору, 1 группалаах инбэлиит оҕолору, кырдьаҕас дьону, көрүүгэ-истиигэ наадыйар дьону көрүүгэ ананар.

«Дьиэ-уот хаһаайыстыбатынан дьарыктанар дьоҥҥо ыйдааҕы төлөбүр РФ субъегар олохтоммут үлэлиир дьоҥҥо тиийинэн олоруу алын кээмэйинэн олохтонор», — диэн хос быһаарыы сурукка этиллэр.
Сокуон барылыгар олоҕуран, ыйдааҕы төлөбүр дьиэ кэргэн ыйдааҕы дохуотун кээмэйэ эрэгийиэҥҥэ олохтоммут үлэлиир нэһилиэнньэ тиийинэн олоруу алын кээмэйин икки төгүл кээмэйин куоһарбат буоларыгар эрэ ананар.

«Дьиэ-уот хаһаайыстыбатынан дьарыктаначчыларга ыйдааҕы төлөбүр 6 ыйга ананар. Бу болдьох ааспытын кэннэ гражданин ыйыллыбыт төлөбүрдэри аныыр туһунан саҥа сайабылыанньаны биэриэхтээх уонна докумуоннары туттарыахтаах», — диэн сокуон барылын хос быһаарыы суругар бэлиэтэнэр.