Госөҥөлөр портал дьиэ кэргэн иһигэр күүһүнэн өттөйүүттэн эмсэҕэлээбит дьоҥҥо көмөлөһүөҕэ

Порталга “жизненная ситуация” диэн саҥа раздел баар буолбут. Манна дьиэ кэргэн иһигэр күүһүнэн өттөйүү көрүҥнэригэр тугу гынарга уонна онтон эмсэҕэлээбит дьоҥҥо сүбэлэр бэриллибиттэр.

Туһанааччыларга дьиэ кэргэҥҥэ күүһүнэн өттөйүү диэн кырбааһын, сирэйгэ охсуу эрэ буолбакка,  доҕотторгун, чугас дьоҥҥун кытта сибээстэһиини хааччахтааһын, үөҕүү, күнүүлээһин, куттааһын уонна эмискэ киҥнэнэн туруу эмиэ киирэрин быһаараллар.

Дьиэ кэргэн иһигэр маннык балаһыанньалаах дьоҥҥо кырбаммыккын докумуоннаа, чугас дьоҥҥор кистээбэккэ аһаҕастык кэпсээ, ыалларгын кытта кэпсэтэн, кыбартыыраттан тыас-уус эбэтэр хаһыы иһиллэр буоллаҕына, полицияны ыҥыралларын көрдөһүҥ диэн сүбэлииллэр.

Порталга өссө чугастааҕы кризиснэй киин төлөпүөнүн нүөмэрэ уонна аадырыһа ыйыллар. Онно психологическай уонна атын наадалаах өйөбүлү оҥоруохтара диэн “Российскай газета” суруллар.