Хаандыга бэтэрээннэрэ тоҕус куул маскировочнай сиэккэни байыаннай дьайыыга ыыттылар

Томпо улууһун Хаандыга бөһүөлэгин «Надежда» диэн бэтэрээннэр түмсүүлэрин кыттыылаахтара байыаннай дьайыыга кытта сылдьар уолаттарга анаан тоҕус куул маскировочнай сиэккэни баайан ыыттылар. Итиэннэ гуманитарнай көмө эмиэ хомуйдулар.

Томпо улууһун бэтэрээннэрин бэрэссэдээтэлэ Галина Готовцева салалтатынан кинилэр нэдиэлэҕэ биэс күн мустаннар, маскировочнай сиэккэлэри сыл аҥаарын устата баайбыттар. Наадалаах малы-салы үксүгэр бэйэлэрин харчыларынан атыыласпыттар. Бэл, 10-15 тыһыынча солкуобайга тиийэ көмөнү биэрбит аҕам саастаахтар бааллар диэн «Якутия 24» саайт суруйар.