Хаартыска: Хаҥаласка күүстээх тобурах түһэн ааста

Бүгүн бассаабынан Хаҥалас улууһун Төхтүрүгэр, Кытыл Дьураатыгар кус сымыытын саҕа бөдөҥ тобурах түһэн соһуппутун туһунан кэпсэтии таҕыста. Эбиитин хаартыска, видео арааһын ыыттылар.

Төхтүрдэри кытары сибээстэһэ сылдьыбыппытыгар күүстээх тобурах түһэн ааспытын бигэргэттилэр.

Аҕыйах хонуктааҕыта Үөһээ Бүлүү Туобуйатыгар тобурах түһэн, эмиэ соһуталаан турар. Онтон хас да сыллааҕыта Ленскэй улууһун Нуотара нэһилиэгэр күүстээх тобурах түһэн, улахан хоромньуну таһаарбыта.