ХААРТЫСКАЛАР: Ырыынакка отон сыаната төһө буолла?

Быйыл үгүс улуустарга отон үчүгэйдик үүммэтэ диэн кэпсэтэллэрин элбэхтик истэбин.  Аны дьэдьэн, моонньоҕон да урукку сыллардааҕар мөлтөһүөр курдук. Бу күннэргэ Сайсары ырыынакка бара сылдьан отон, моонньоҕон, сугун  сыанатын көрдүм. 

Ырыынакка билигин сир аһын атыыта аҕыйах курдук. Ол оннугар фрукта арааһа баар.  Слива, персик, нектарин, дьаабылыка уо.д.а.

Уус Алдан отоно диэн биир дьахтар 1 лиитирэтин 400 солкуобайга атыылыы турар. 0,5 л. дьоҕус иһиккэ кутуллубут отон сыаната 200 солк. быһыллыбыт. Оччотугар 10 л. отону 4000 солк. атыылаан эрдэхтэрэ.

Былырыын Сайсары ырыынакка отон 1 лиитирэтэ 300 солк. атыыланара.

2023 сыллаахха уон лиитирэтэ 2000 солк. этэ.

Билигин моонньоҕону 0,5 л. — 350, 1 л. — 700 солк., сугуну  0,5 л. — 350, 1 л. — 700 солк.  атыылаһыахха сөп. Биир дьааһык кэлии клубника 1500 солк. баар.

Сугун барыанньата 1 л. — 2000 солк., бөллөхүнэ (морошка) 0,5 л. — 1000 солк., хаптаҕас  барыанньата  1 л. — 700 солк. баар.