Хантараагынан сулууспаҕа ылыы туһунан

Нерюнгрига хантараагынан сулууспалыы барыан баҕалаахтары сүүмэрдиир пууҥҥа үлэ салгыы ыытыллар. Манна хантараагы түһэрсэргэ, наадалаах докумуоннары оҥорорго көмөлөһөллөр, доруобуйаларын көрөллөр.

Бу туһунан брифиҥҥэ Нерюнгриттан байыаннай сулууспаҕа хантараагынан барааччылары сүүмэрдиир пуун  начаалынньыга Альмир Исмаилов иһитиннэрбит.

Кини гражданнар доруобуйаларын быһаарарга пууҥҥа миэдиктэр үлэлииллэрин этэр. Өскөтүн доруобуйаларын өттүнэн туох да хааччахтааһын, бобуу суох буоллаҕына, баҕа өттүнэн барааччы докумуона оҥоһуллубутунан барар.

«Хандьыдааттар ортолоругар аҕам саастаахтар элбэхтэр. Байыаннай дьайыыга кыттыбыттар дьиэлэригэр кэлэн баран, саҥа хантараак түһэрсэр, бииргэ сулууспалаабыт дьонноругар төттөрү барар баҕалаахтар эмиэ бааллар», — диэн этэр кини.

Хантараагынан байыаннай сулууспаҕа барыан баҕалаахтарга киин 9-18.00 ч. үлэлиир. Аадырыһа: «Абырал» санаторий Дьокуускай к., Сэргэлээх шоссетын 11 км, 1 куорпуһугар. Нерюнгрига: Чурапчы уул. 33 к3.

СӨ Ил Дарханын уонна Бырабыыталыстыбатын пресс-сулууспата