Өлүөнэ өрүһү Хатас-Павловскай туһаайыынан туорааһын болдьоҕо быһа холуйан ахсынньы 15 күнүгэр диэри уһаата.
Кыһыҥҥы суол аһыллыыта Павловскай туһаайыыга өрүс долгуна күүһүттэн уонна муус чарааһыттан харгыстанна.
Бүгүн бу суолу транспорт уонна суол хаһаайыстыбатын миниистирэ Владимир Сивцев көрдө-иһиттэ уонна кэккэ быһаарыы ылынна. Бүгүҥҥү күҥҥэ кыһыҥҥы суолу оҥоруу икки биэрэк өттүттэн тэҥҥэ ыытыллар. Хатас туһаайыытынан «Мехдорстрой» бэдэрээччит тэрилтэ үлэлиир.
— Хатаһынан муус халыҥаан, 5 туоннаҕа диэри массыына сылдьыан сөп. Ол эрээри Павловскай туһаайыыга уу долгуна күүстээх буолан, мууһа чараас. Хатастан сорох тиэхиньикэни көһөрөн, атын учаастактары оҥоро туруохпут. 3 туоннаҕа диэри тиэхиньикэ туоруон сөп. Маннык күн-дьыл 5-10 сыл устата биллэ илик. Былырыын кыһыҥҥы суолу ахсынньы 5 күнүгэр аспыт буоллахпытына, быйылгы килиимэт усулуобуйата атын быһаарыыны ыларга күһэйдэ. Онон суоппардарга кыһыҥҥы суол аһыллыбыта анаан биллэриллэ илигинэ, кутталлаах суолларынан айаннаабаттарыгар сүбэлиибит. Бастаан утаа муус чараас буолан айанныырга уустук соҕус буолуо. Онтон муус чиҥник тоҥноҕуна, ыарахан уйуктаах тиэхиньикэни, грейдеринэн суолу тупсаран биэриэхпит, — диэн бэлиэтээтэ миниистир.
Ыам ыйын 1 күнүттэн ахсынньы 30 күнүгэр диэри Бүтүн Арассыыйатааҕы «Дальний Восток – Земля приключений»…
Бу күннэргэ байыастар Кыайыы күнүнэн өрөспүүбүлүкэ аатыттан бэлэхтэри тутан эрэллэр. Бу туһунан Ил Дархан Айсен…
Үлэ күнүн көрсө Айылтаана Егорова көҕүлээһининэн Сунтаар нэһилиэгин Томуһукаан күөлүн муостата араас дьэрэкээн өҥүнэн оонньоото.…
Быйыл православнай итэҕэллээхтэргэ Пасха бырааһынньыга ыам ыйын 5 күнүгэр бэлиэтэнэр. Бу бырааһынньык иннинээҕи нэдиэлэ "Страстная…
Дьокуускай куорат устуоруйатын түмэлигэр «Якутская керамика: от забвения до возрождения» диэн быыстапка аһылынна. Быыстапканы тэрийиини…
Муус устарга 80 саастарын туолбут аҕам саастаах дьон биэнсийэлэригэр фиксированнай төлөбүрү эбии ылыахтара. Бу сокуон…