“Холодное золото” киинэ Wink сервискэ саамай элбэхтик көрүллэр киинэлэр истэригэр 13-с миэстэни ылла. Бу киинэ иннигэр, 12-с миэстэҕэ Голливуд аатырбыт “Человек-паук” киинэтэ сылдьар.
Соторутааҕыта Wink сервискэ бу киинэни көрбүтүм. Уонунан тыһыынча киинэттэн талан ылан, саха киинэтин көрөллөрө интэриэс баарын туоһулуур. Арассыыйа барыта көрөр сервиһигэр саха киинэтэ киирбитэ да элбэҕи этэр. Маны тэҥэ, “Холодное золото” КиноПоиск, Okko, Film.ru, о.д.а. улахан сервистэргэ, саайтарга көстөр.
Киинэ режиссера – Пётр Хики, продюсер Сардана Саввина, сценарий ааптара Любовь Борисова, оператор Иван Семёнов, композитор Моисей Кобяков. Сүрүн оруолга – чекист Алексей Карасев оруолугар Аскалон Павлов, баанда тойонун оруолугар — Пётр Баснаев, уо.д.а. оонньууллар.
«Холодное золото» саха киинэтигэр саҥа – истерн жанрга уһуллубут. Бу эмиэ вестерн курдук, мүлчүргэннээх сырыылардаах киинэ. Алдан бириискэлэригэр кыһыл көмүһү хостооччулары халаан баран, Аҕа дойду сэриититтэн куота сылдьар бандьыыттар тустарынан кэпсэнэр. Дьиҥнээх олоххо буолбут хас да түбэлтэлэри холбоон, оҥорбуттар. Кыһын устубут буолан, элбэх уустуктары көрсүбүттэр. Нам уонна Хаҥалас улуустарыгар устубуттар. Киинэ бүддьүөтэ – 13 мөлүйүөн солкуобай. 2021 сыл бүтүүтэ тахсыбыта.
Оҕо сылдьан, бука, бары даҕаны тэлгэһэ отун биирдэ эмэ амсайан көрдөххүт буолуо. Быйыл кыһын Амма…
Эйэ, Саас, Үлэ бырааһынньыгын күргүөмүнэн бэлиэтииргэ, түмсүүлээх буолууну, сомоҕолоһууну көрдөрөргө олус бэртээхэй бырагыырама бэлэмнэннэ. Орджоникидзе аатынан болуоссат 13.00…
Ыам ыйын 1 күнүгэр Саас, Үлэ бырааһынньыгын бэлиэтиибит. XIX үйэ ортотугар оробуочайдар 8 чаастаах үлэ…
Саха сирин Бырабыыталыстыбатын бэрэссэдээтэлэ Кирилл Бычков Москваҕа Саха Өрөспүүбүлүкэтин күнүгэр анаммыт үөрүүлээх мунньах кыттыылаахтарын эҕэрдэлээтэ.…
Саха сиригэр ааспыт сууккаҕа 5 буруйу оҥоруу бэлиэтэммит. Дьокуускай куорат Шавкунова аатынан уулуссаттан доруобуйатын улахан…
Саха сирин суруналыыстарын Сойууһун бэрэссэдээтэлин солбуйааччы Галина Бочкарева салайааччылаах Норуоттар икки ардыларынааҕы Саха сирин суруналыыстарын…