Иенгра бөһүөлэгэр гаас киириэ

Ил Дархан Айсен Николаев Нерюнгригэ оробуочай сырыытын кэмигэр, «Саха» НКИХ филиалыттан быһа эпииргэ таҕыста. Кини Нерюнгри оройуонун икки бөһүөлэгэр — Иенграҕа уонна Чульмаҥҥа сотору кэминэн гаас киириэ диэтэ.

«Газпром» тэрилтэни кытары бииргэ үлэлээн гааһынан хааччыйыы уонна гаастааһыны киллэрии 2021-2025 сс.бырагырааматынан өрөспүүбүлүкэ түөрт оройуонугар «Сила Сибири» гаас турбатыттан Өлүөхүмэ, Ленскэй, Алдан уонна Нерюнгри оройуоннарыгар, ол иһигэр Иенграҕа гаас киириэ», — диэн эттэ Айсен Николаев.

Быйылгыттан Чульман уонна Иенгра бөһүөлэктэрин иһигэр гаас ситимин тардыы саҕаланыа диэн кини эбэн эттэ.

Ол курдук, бу бөһүөлэктэргэ гаас ситимин тардыы былаан быһыытынан быйыл күһүн түмүктэниэхтээх. Чульман уонна Иенгра бөһүөлэктэрин гаастааһын 2025 сылга диэри барыаҕа диэн Ил Дархан чопчулаата.