Саха Өрөспүүбүлүкэтигэр Уол оҕо күнүнэн эҕэрдэлиибин!
Бүгүҥҥү күн ураты сылаас уонна суолаталаах буолар, тоҕо диэтэххэ уол оҕо биһигини улахаҥҥа кынаттыыр. Кинилэр харахтарыгар биһиги саамай сырдык эрэлбитин, сүрэхтэригэр — инники кэскилбитигэр итэҕэлбитин, кинилэр илиилэригэр — дьиэ кэргэн, куораттар, эрэгийиэн уонна судаарыстыба этэҥҥэ буолуутун көрөбүт. Хас биирдии уол оҕо — ураты личность, биһиги кинилэр үрдүк сыалы ситиһэллэрин көҕүлүүбүт, өйүүбүт.
Саха сиригэр билигин үүнэр көлүөнэни иитиигэ туһуламмыт патриотическай хамсааһыннар уонна бырагыраамалар көхтөөхтүк сайдаллар. 2025 сыл кулун тутарыгар Саха сирин 132 245 эдэр олохтооҕо патриотическай иитиигэ сыһыаннаах тэрээһиннэргэ кытыннылар. Өрөспүүбүлүкэҕэ 325 байыаннай- патриотическай кулууп, 254 юнармейскай этэрээт, 23 көрдүүр этэрээт, 17 кадетскай кылаас уонна 5 казак кылааһа үлэлииллэр.
Ыччаты кытта үлэ бары көрүҥэр — патриоттуу иитиигэ, добровольствоны сайыннарыыга уонна ыччаты информационнай арыаллааһыҥҥа «Патриот» киин уһулуччу оруоллаах. Ону сэргэ «Юнармия» эрэгийиэннээҕи отделениелара, «Кыайыы Волонтердара» хамсааһыннара, «Бастакылар хамсааһыннара» уонна «ВОИН» киин эрэгийиэннээҕи салаалара ситиһиилээхтик үлэлииллэр.
Бүгүҥҥү бырааһынньыктааҕы күҥҥэ дьиэ кэргэннэргэ или-эйэни, бары үчүгэйи баҕарабын. Хас биирдии дьиэҕэ өйдөһүү, таптал баар буоллун, хас биирдии уол оҕо чугас дьонун сылаас сыһыанын, өйөбүлүн биллин.
Саха Өрөспүүбүлүкэтин баһылыга Айсен Николаев.
Сообщить об опечатке
Текст, который будет отправлен нашим редакторам: