Ил Дархан госпитальга эмтэнэр биир дойдулаахтарбытын көрүстэ

Ил Дархан Айсен Николаев  Тихоокеанскай  флот  байыаннай-муоратааҕы килиниичэскэй госпиталыгар  эмтэнэр биир дойдулаахтарбытын көрүстэ. Бу туһунан Айсен Сергеевич телеграмҥа суруйда.

— Уолаттара санаалахар бөҕөх.  Эмтэнэн баран сорохтор төттөрү байыаннай дьайыыга барар санаалаахтар, сорохтор  доруобуйаларын чөлүгэр түһэрэн баран төрөөбүт дойдуларыгар  кэлиэхтэрэ. Уолаттар кыайыы син биир биһиэнэ буолуо диэн бүк эрэллээхтэр. Кинилэргэ Саха сириттэн кэһиини тириэртим. Уолаттар   дьиэтээҕи астарын суохтаабыттар, онон олус үөрдүлэр.  Биһиги   ирэ-хоро кэпсэттибит, санааларын иһиттибит.  Өрөспүүбүлүкэ куруук күүс-көмө буоларын бэлиэтээн эттилэр. Соторутааҕыта госпитальга Саха сирин быраастара тиийбиттэрэ . Өрөспүүбүлүкэ эмчиттэрэ Уһук Илин бары байыаннай чаастарыгар сырыттылар, — диэтэ Ил Дархан.