Кыралыын-улаханныын бары күүтэр-кэтэһэр Саҥа сыл уонна Ороһуоспа бырааһынньыктара чугаһаатылар. Бу бырааһынньыктар оҕо аймах кыттыыта, харыйата суох ааспаттар. Номнуо бу нэдиэлэҕэ өрөспүүбүлүкэ улахан кылааһын үөрэнээччилэригэр аналлаах үөрүүлээх тэрээһин ыытыллыаҕа – СӨ Ил Дарханын Харыйата.
Ил Дархан Харыйатыгар киэҥ нэлэмэн Сахабыт сириттэн 700 оҕо мустуоҕа. Бу – үөрэхтэригэр туйгуннар, оскуола тэрээһиннэрин көхтөөх кыттааччылара, Бүтүн Арассыыйатааҕы уонна өрөспүүбүлүкэтээҕи куонкурустар, бэстибээллэр, күрэхтэһиилэр, олимпиадалар кыайыылаахтара, миэстэлээхтэрэ уонна бастыҥ спортсменнар.
Үөрэх уонна билим миниистирэ Ирина Любимова салайааччылаах тэрийээччилэр кыттааччыларга киэҥ бырагырааманы бэлэмнээтилэр. Кэлбит оҕолору барыларын араас тэрээһиннэргэ хабан кытыннарыахтара. Ол курдук, Саҥа сыллааҕы эҕэрдэни эрэ туппакка, өрөспүүбүлүкэ социальнай-экэнэмиичэскэй сайдыытыгар бэйэлэрин кылааттарын киллэрсиэхтэрэ. “Биһиги — Арассыыйа кэскиллэрэбит” оҕо гражданскай пуорумугар, “Мин – Арассыыйа кэскилэбин” кэпсэтиигэ, “Тыа сирин сайыннарыы”, “Саха сирин тыатын кэскилэ” лиэксийэҕэ, “Кэлэр кэм идэлэрэ” уонна “Идэ калейдоскоба” квест-оонньууга кыттыахтара. Култуура тэрээһиннэриттэн “Арассыыйа – мин устуоруйам” устуоруйа пааркатыгар экскурсияҕа сылдыахтара, онно “Саҥа сыллааҕы остуоруйа” диэн Саха сирин судаарыстыбаннай филармониятын оркестрын истиэхтэрэ.
Итилэри тэҥэ, оҕолор түспүт сирдэригэр сэргэх киэһээҥҥи тэрээһиннэр былааннаналлар, биллилээх блогердары, бэлиитиктэри, урбаанньыттары кытта көрсүөхтэрэ.
Бырааһынньыктааҕы тэрээһиннэри түмүктүүр Саҥа сыллааҕы саамай сүрүн тэрээһин ахсынньы 24 күнүгэр Марфа уонна Сергей Расторгуевтар ааттарынан Судаарыстыбаннай Цииркэҕэ буолуо. Үгэс быһыытынан Ил Дархан Айсен Николаев РФ бэрэсидьиэнэ талааннаах ыччаты өйүүр бириэмийэтин лауреаттарыгар дипломнары туттарыаҕа.
СӨ Үөрэҕин уонна билимин министиэристибэтин пресс-сулууспата.
Бүгүн Хаҥалас улууһун Покровскай куоратыгар икки ыйдаах ыраастааһын тэрээһинин уонна уу эбийиэктэрин харыстааһын чэрчитинэн субуотунньук…
Дьокуускай куорат 10-с №-дээх оскуолатын үөрэнээччилэрэ карате-киокусинкайга аан дойдутааҕы күрэхтэһиигэ кыттыахтара диэн СӨ Баһылыгын уонна…
Турция Өрөспүүбүлүкэтин киин куоратыгар Анкараҕа ыам ыйын 5 күнүгэр Кыайыы күнүн көрсө “Өлбөт үйэлээх полк”…
Бүгүн, ыам ыйын 6 күнүттэн, Саха сиригэр «Өлбөт үйэлээх полк» аахсыйа саҕаланна диэн СӨ Бырабыыталыстыбатын…
Бүтүн Арассыыйатааҕы "Тиэргэнинэн ыллыыбыт" аахсыйа чэрчитинэн, ыам ыйын 6 күнүгэр Дьокуускайга олорор сэрии бэтэрээннэрин эҕэрдэлээтилэр.…
Улуу Кыайыы 79 сылын туолар үөрүүлээх күнэ чугаһаан иһэр. Аҕыйах хонугунан Кыайыы күнүн, эйэлээх олох…