Инбэлииттэр ОСАГО 50%-нын толуйар бырааптаахтар

Арассыыйа Социальнай пуондатын Саха сиринээҕи салаата инбэлииттэргэ ОСАГО 50%- нын толуйар. Төлөбүр сыл устата биир тырааныспарга бэриллэр.

Быйыл маннык толуйуу төлөбүрүнэн Саха сирин 36 олохтооҕо туһаммыт. Бу туһунан Социальнай пуонда Саха сиринээҕи салаата суруйар. «Толуйуу төлөбүрүн туһанарга сүрүн усулуобуйатынан инбэлиит мэдииссиинэ көрүүтүнэн тырааныспарга наадыйыы туһунан мэдиссиинэ көрдөрүүлэринэн реабилитациялааһын бырагырааматыгар (ИПР) киирбитин туһунан туоһу сурук ирдэнэр. Төлөбүрү инбэлииттэр эбэтэр кинилэр сокуоннай бэрэстэбиитэллэрэ туһаныахтарын сөп», — диэн Саха сиринээҕи Социальнай пуонда отделын управляющайа Марина Герман иһитиннэрэр. Онуоха страховой полиска инбэлиити эбэтэр кини сокуоннай бэрэстэбиитэлин  киллэрэн туран, үс суоппартан ордук буолуо суохтаах.

Толуйуу төлөбүрүн ыларга сайабыалыанньа суруйар ирдэммэт, өскөтүн өҥөнү оҥорууга эппиэтинэстээх тэрилтэ федеральнай иһитиннэрэр баазаларга, ол иһигэр инбэлииттэр федеральнай испииһэгэр (ФРИ) наадалаах иһитиннэриилэри ыыппыт буоллаҕына. Өскөтүн докумуон ситэтэ суох буолар түгэнигэр, инбэлиит эбэтэр кини бэрэстэбиитэлэ Судаарыстыбаннай өҥө порталын нөҥүө, Саха сиринээҕи Социальнай пуондаҕа эбэтэр Элбэх өҥөнү оҥорор киин офиһыгар сайабылыанньа биэрэр. Маны ОСАГО полис болдьоҕун кэмигэр суруллар. Толуйууну анааһын туһунан быһаарыы 5 үлэ күн устата ылыллар. Сайабылыанньалары көрүү болдьоҕо уһатыллыан сөп, ол гынан баран 5 үлэ күнүттэн элбэх буолбат. Төлөбүрү анааһын туһунан быһаарыы ылыллыбытын кэннэ 5 хонук устата төлөбүр үп-харчы түһүөхтээх. Толуйууну буостанан эбэтэр баан каартатыгар ыыталлар.