Хаартыска: «Якутскэнергосбыт» хампаанньа пресс-сулууспата
Үлэһиккэ көрүллүбүт бириэмийэни төлүүр болдьоҕун кэспит үлэ биэрээччилэргэ 50 тыһыынча солкуобайга диэри административнай ыстараап көрүллүөн сөп. Бу туһунан О.Е. Кутафин аатынан Университет (МГЮА) К.Н. Гусов аатынан Үлэ быраабын уонна социальнай хааччыйыы быраабын кафедратын бэрэпиэссэрэ, юрист Ирина Шестерякова иһитиннэрдэ.
«Олохтоммут болдьоххо хамнаһы, үлэ сыһыаннаһыытын чэрчитинэн оҥоһуллар атын төлөбүрдэри төлөөбөт эбэтэр толору төлөөбөт буолуу, сэрэтиигэ эбэтэр административнай ыстараапка тиэрдэр», — диэн бэрэпиэссэр эттэ. Бу туһунан РИА Новости суруйар.
Кини этэринэн, дуоһунастаах дьон 10-тан 20 тыһыынча солкуобайга диэри ыстарааптаныахтарын сөп. Юридическай сирэйэ суох урбаанньыттар – 1-5 тыһыынча солкуобайга. Оттон юридическай сирэйдэргэ 30-тан 50 тыһыынча солкуобайга диэри ыстараап көрүллэр.
Эспиэр этэринэн, көҕүлүүр эбии төлөбүрдэри уонна эбиликтэри, ону таһынан бириэмийэни төлөөһүнү олохтуур бэрээдэк үлэ сокуонугар уонна үлэ быраабын нуормалара киирбит атын аахталарга сөп түбэһиннэрэн, кэлэктиибинэй дуогабардарынан, сөбүлэһиилэринэн уонна олохтоох нуормалыыр аахталарынан быһаарыллар.
Бу иннинэ суутунан «112» суһал көмө киинин үлэ биэрээччитин үлэһиккэ болдьоҕу таһынан үлэлээбитин иһин 333 тыһыынчаттан тахса солкуобайы эбэн төлүүргэ уонна суукканы быһа үлэлиир сменаларын толору төлөөбөтөҕүн иһин моральнай хоромньуну толуйарга эбээһинэстээбитттэрэ. Ону таһынан, Үлэҕэ инспекцията «Сургутнефтегазка» кэһиилэри булан турар, онно икки үлэһиккэ үөрэнэр кэмнэрин, бырааһынньык уонна өрөбүл күннэргэ үлэлээбиттэрин иһин хамнастарын эбэн аахпыттара.
Олимпийскай оонньуулар кыттыылаахтара Павел Пинигин, Александр Иванов уонна аатырбыт тустуук Василий Гоголев туойунан иһит оҥорор…
Бүгүн, алтынньы 29 күнүгэр, өрөспүүбүлүкэ сорох улуустарынан хаардыыр. Соҕуруу уонна хотугулуу-илин өттүгэр сөҥүүтэ суох буолуоҕа.…
Майа сэлиэнньэтин муниципалитета "Майа Сайына» — Лето Майи: как жители села своими руками изменили территорию…
Кэлэр сылга үбүлүөйдээх Олоҥхо ыһыаҕа Ленскэй оройуонугар ыытыллыаҕа. Сүрүн тэрээһиннэр от ыйын 3–4 күннэригэр буолуохтара,…
Арассыыйа Бэрэсидьиэнэ Владимир Путин куораттары сайыннарыыга уонна тупсарыыга аналлаах мунньах түмүгүнэн дьаһаллары бигэргэттэ. Бу дьаһаллар…
РФ Дьоруойа Александр Находкин Дьокуускай куорат устудьуоннарын уонна оскуола үөрэнээччилэрин кытта патриотическай көрсүһүүлэрин саҕалаата. Бастакы…