Чэпчэтиилээх ипотеканы ылыы усулуобуйата өссө судургутуйуоҕа. Бу туһунан РФ бырабыыталыстыбатын уурааҕа таҕыста.
Бэҕэһээ РФ бырабыыталыстыбатын премьер-миниистирэ Михаил Мишустин судаарыстыбаттан чэпчэтиилээх бэриллэр ипотекалар (“Дьиэ кэргэн ипотеката”, “Чэпчэтиилээх ипотека”, “Уһук Илиҥҥи ипотека” уонна “Айти ипотека”) саҥа усулуобуйаларын туһунан уураахха илии баттаата.
Туох уларыйыылар киириэхтэрэй? Бастатан туран, дьиэ кэргэн ипотекатыгар доруобуйаларынан хааччахтаах ыалга ураты болҕомто уурулунна. Өскөтүн доруобуйатынан хааччахтаах оҕолоох ыал олорор эрэгийиэнигэр саҥа дьиэни кыайан ылбат буоллаҕына, урут да тутуллубут дьиэлэргэ кыбартыыра ылара көҥүллэнэр буолла. Санатан эттэххэ, дьиэ кэргэн ипотеката алта бырыһыаннаах, бу бырагырааманы туһанан кыбартыыра, сир ылыахха эбэтэр чааһынай дьиэ туттуохха сөп. Оттон чэпчэтиилээх уонна Уһук Илиҥҥи ипотекалар уларыйыылара байыаннай эпэрээссийэҕэ кытта сылдьар дьоҥҥо сыһыаннаахтар. Чуолаан дьиэҕэ регистрацияланыы, олорор дьиэни регистрациялааһын болдьоҕо суох буолла.
Михаил Мишустин мунньахха бэлиэтээбитинэн, бу саҥа уларыйыылар дьон-сэргэ олорор усулуобуйатын тупсарарга туһуланаллар. Санатан эттэххэ, РФ бэрэсидьиэнэ Владимир Путин бэйэтин туһаайан этиитигэр олорор дьиэлэри тутууга, нэһилиэнньэ олорор усулуобуйатын тупсарыыга ипотека улахан оруолу ыларын, манна болҕомтону ууруохха наадатын бэлиэтээбитэ.
Бүгүн Хаҥалас улууһун Покровскай куоратыгар икки ыйдаах ыраастааһын тэрээһинин уонна уу эбийиэктэрин харыстааһын чэрчитинэн субуотунньук…
Дьокуускай куорат 10-с №-дээх оскуолатын үөрэнээччилэрэ карате-киокусинкайга аан дойдутааҕы күрэхтэһиигэ кыттыахтара диэн СӨ Баһылыгын уонна…
Турция Өрөспүүбүлүкэтин киин куоратыгар Анкараҕа ыам ыйын 5 күнүгэр Кыайыы күнүн көрсө “Өлбөт үйэлээх полк”…
Бүгүн, ыам ыйын 6 күнүттэн, Саха сиригэр «Өлбөт үйэлээх полк» аахсыйа саҕаланна диэн СӨ Бырабыыталыстыбатын…
Бүтүн Арассыыйатааҕы "Тиэргэнинэн ыллыыбыт" аахсыйа чэрчитинэн, ыам ыйын 6 күнүгэр Дьокуускайга олорор сэрии бэтэрээннэрин эҕэрдэлээтилэр.…
Улуу Кыайыы 79 сылын туолар үөрүүлээх күнэ чугаһаан иһэр. Аҕыйах хонугунан Кыайыы күнүн, эйэлээх олох…