Изамира Семенова: «Буойуттарбытыгар, кинилэр дьиэ кэргэттэригэр күүс-көмө буолабыт»

В.А. Петрова аатынан Ньурбатааҕы Кырдьаҕастар уонна инбэлииттэр улуустар икки ардыларынааҕы интэринээт-дьиэлэрин дириэктэрэ Изамира Семенова кэлэктииптэн биир үлэһиттэрэ байыаннай эпэрээссийэҕэ былырыыҥҥыттан чиэстээхтик кытта сылдьарын туһунан кэпсээтэ:

— Кини — үс оҕолоох ыал аҕата. Кэргэнэ биһиги кэккэбитигэр үлэлиир. Биһиги буойуммут дьиэ кэргэнигэр мас хайытан, туруоран, муус ылан биэрэн, хаар күрдьэн көмөлөһөн, күүс-көмө буолабыт. Ити курдук дойдуларын көмүскүү сылдьар байыастарбытыгар көмө пуондатыгар 56 тыһыынча солкуобайы хомуйан, ону сэргэ аһымал кэнсиэр буолбутугар 10 тыһыынчаттан тахса солкуобайы көмөлөстүбүт.

Итинник Ньурба оройуонун салалтатыттан саҕалаан, улууспут туох баар дьоно-сэргэтэ, биир киһи курдук, күүс-көмө буолан, байыаннай эпэрээссийэҕэ кытта сылдьар буойуттарбытыгар, кинилэр дьиэ кэргэттэригэр улахан болҕомтону, кыһамньыны уурабыт.