Хаартыска: Photo by form PxHere
Билиҥҥи кэмҥэ кальяны табахсыттар уонна табах тардыбат да дьон интэриэһиргиир буоллулар. Кальян өр кэм устата ханнык баҕарар хампаанньа сынньалаҥын биир атрибутунан билиниллэн кэллэ.
Кальян буортулааҕын, буортута суоҕун туһунан биһиэхэ Наркология өрөспүүбүлүкэтээҕи диспансерын нарколог-бырааһа Надежда Хоютанова кэпсээтэ.
— Дьиҥэр, кальян, суруйалларын курдук, буортута суох буолбатах. Кальяны сигаретаны солбуйар, куттала суох, истириэһи устар, сынньатар дии саныыллар. Ол гынан баран, бу барыта айах кэпсээнэ.
Кальяҥҥа, никотин курдук, үөрэнэн хаалыахха сөп.
Иккиһинэн, кальяҥҥа баар табах булкаастара хонтуруолламматтар уонна сертификацияны ааспаттар. Онон, чахчы туох булкаастааҕын быһаарар кыах суох.
Үсүһүнэн, наука бигэргэтэринэн, сыттаах табах буруотугар араагы үөскэтэр холбоһуктар бааллар. Ону таһынан, кальяны тардыы сэллигинэн уонна А гепатитынан ыалдьар кутталы улаатыннарар.
Кальяны сөбүлээн туһанааччылар ортолоругар герпес курдук араас вирустаах ыарыылаахтар элбэхтэр. Уопсай куолба – бактыарыйалар элбииллэригэр уонна киһитттэн киһиэхэ бэриллэллэригэр сатабыллаах иһит. Бу бактыарыйалары хлорунан дезинфекциялаан эбэтэр испиирдээх убаҕаһынан эрэ өлөрүөххэ сөп.
Кальяны биһиги ыччаппыт сынньалаҥар элбэхтик туттар, тоҕо диэтэххэ, кинилэр кальян “буортута суоҕун” туһунан кэпсиир атыыһыттарга итэҕэйэллэр. Ону таһынан, кальяны тардан бэйэлэрин киһиттэн “ураты” дьон курдук сананаллар…
Кальяны тардар уонна кальянынан “мэниктиир” дьоҥҥо этиэм этэ – бэйэҕит организмҥытыгар биллибэт химиичэскэй бэссэстибэлэри киллэриэх иннинэ: “Миэхэ туох туһаны аҕалыай?” диэн үчүгэйдик толкуйдааҥ.
Алтынньы 27 күнүгэр СӨ Бырабыыталыстыбатын Бэрэссэдээтэлэ Кирилл Бычков дьыл быыһык кэмигэр өрүһүнэн сырыы сыаната төһө…
Кэбээйи улууһугар Мастаахха "Дьээ-буо" фолк-бөлөх салайааччыта оһуохайдыан, тойуктуон, олоҥхолуон, ыллыан-туойуон баҕалаахтары үөрэппит. [gallery ids="250358,250359,250361"] Бу…
Мииринэй олохтооҕо эппиэтинэскэ тардыллан баран алименын төлөөбүт. Суут быһаарыытынан, гражданин дохуотун алта гыммыттан биир чааһын…
Хаһааччыйа талааннаах далбар хотуттарын кытта бэрт истиҥ, сэргэх көрсүһүү буолбуттар. Бу туһунан нэһилиэк бибилэтиэкэрэ Ирина…
Горнай улууһун Атамай нэһилиэгин дьоно улаханнык сэргэхсийэн, үөрэн-көтөн, дойдулаахтарын бэлэҕиттэн астынан, киэн туттан сылдьаллар. Бу…
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Өрөспүүбүлүкэ арҕаа өттүгэр, арктика кытылынан,…