Хаартыска: Саргын Скрябин, ЯСИА
Алтынньы 27 күнүгэр СӨ Бырабыыталыстыбатын Бэрэссэдээтэлэ Кирилл Бычков дьыл быыһык кэмигэр өрүһүнэн сырыы сыаната төһө сөптөөҕүн хаттаан көрөллөрүн сорудахтаата.
Баччаларга өрүһү Дьокуускай уонна Аллараа Бэстээх, о.д.а. нэһилиэнньэлээх пууннар ыккардыларыгар үрдэриллибит “сымнаҕас сыттыгынан” уонна аэроботтарынан туорууллар. Үгэс быһыытынан, олохтоохтор бу кэмҥэ өрүһү туоруур сыана үрдүү түһэриттэн дьиксинэллэр. Бу боппуруос былырыын эмиэ көтөҕүллэ сылдьыбыта.
СӨ Тырааныспар уонна суол хаһаайыстыбатын министиэристибэтин иһитиннэриитинэн, үрдэриллибит “сыттыгынан” дьону таһыы алтынньы 16 күнүттэн саҕаламмыт. Билигин 20-чэ тиэхиньикэ үлэлиир: “А8” суудуналар (Хивус-10) уонна «Тайфун» тииптээх аэроботтар. Сүрүн хайысхалара – “Намыв” ыстаансыйа (204-й түөлбэ) – Аллараа Бэстээх. Күнүс сырдык кэмҥэ дьону таһаллар.
Алтынньы 26 күнүттэн дьону тиэйээччилэр быстах кэмҥэ айан төлөбүрүн 5000 солкуобайга диэри үрдэттилэр. Кинилэр этэллэринэн, үрдээһин уматык, саппаас чаас сыаната улааппытыттан уонна суудуналары дьыл быыһык кэмигэр үлэлэтэргэ көрсүллэр ороскуоттан тутулуктаах. Бу сыана 5-7 күн устата туран баран, урукку таһымыгар төннүөн сөп диэн буолар.
«Хас биирдии лиитэрэ уматык, хас биирдии саппаас чаас сууматын барытын сиһилии ааҕан көрүҥ. Бэрэбиэркэ кэнниттэн олоҕо суох улаатыннарыллыбыта көһүннэҕинэ, матырыйааллары тырааныспар борокуратууратыгар ыытыахпыт», — диэн Кирилл Бычков сорудахтаата. Ону тэҥэ кини Тырааныспар уонна суол хаһаайыстыбатын министиэристибэтэ Сыана бэлиитикэтин судаарыстыбаннай кэмитиэтин кытта тарыып быстах кэмҥэ үрдүүр төрүөттэрин туһунан дьоҥҥо анаан официальнай быһаарыыны бэлэмнииллэрин ирдээтэ, диэн иһитиннэрэр СӨ Ил Дархан, бырабыыталыстыба пресс-сулууспата.
Секлетея Алексеевна Курчатова Хомсомуол күнүгэр - алтынньы 29 күнүгэр төрөөбүтэ. Бу бүгүн, кини төрөөбүт күнүгэр,…
Бэҕэһээ Ф.И. Авдеева аатынан Оҕо айымньытын дыбарыаһыгар педагогическай үлэһиттэр вакансияларын дьаарбаҥката буолан ааста. Дьокуускай куораттааҕы…
Билигин СӨ Култуура уонна духуобунай сайдыыга министиэристибэтин көҕүлээһининэн кииннэр ситимнэрин олохтуур үлэ бара турар. Ол…
Мин Кириэс Халдьаайыга кэлиэхпиттэн Мария Фёдоровнаны оскуола остолобуойугар көрөрүм уонна учууталларга ураты ытыктабыллаахтык сыһыаннаһарын бэлиэтиирим.…
Норуот сомоҕолоһуутун күнүн чэрчитинэн Дьокуускайга улахан патриоттуу тыыннаах кэнсиэр ыытыллар. Манна байыаннайдартан турар «Мы Есть…
Анал байыаннай дьайыы кыттыылаахтарын 10 мөлүйүөн солкуобайга диэри иэстэрин тохтотуу быраабылатыгар сокуон үлэлииригэр өссө биир…