«Карина» киинэни Арассыыйа куораттарыгар көрдөрүөхтэрэ

«ArtDoydu» хампаанньа «Карина» киинэтэ муус устар 25 күнүттэн Арассыыйатааҕы прокакка тахсарын туһунан СИА-ҕа киинэ хампаанньатын бэрэстэбиитэлэ иһитиннэрбит.

Киинэни Москва, Санкт-Петербург, Улан-Удэ, Хабаровскай, Благовещенскай, Владивосток, Барнаул, Краснодар, Томскай, Королев, Ломоносов, Кириши куораттар сорох киинэ тыйаатырдарыгар көрдөрүөхтэрэ. Оттон муус устар 27 күнүттэн Москва уонна Санкт-Петербург атын киинэ тыйаатырдарыгар, Воронежка, Екатеринбурга, Калининградка, Красноярскайга, Набережнай Челныга, Нижнэй Новгородка, Новосибирскайга, Пермҥэ, Рязаҥҥа уонна өссө 10 куоракка көстөн саҕалыаҕа.

Муус устар 23 күнүн сарсыардатыгар «Карина» киинэ каассаҕа быһа холоон 35 мөл. солк. хомуйда.