Кэнники 5 сыл иһигэр 96 хочуолунай тутулунна

Быйыл «Фонд развития территорий» бырагырааманан 6 хочуолунай тутуллан киирэр. Саҥа хочуолунайдар Мэҥэ Хаҥалас улууһун Бөкө сэлиэнньэтигэр, Таатта Боробулугар, Чурапчы Толоонугар икки хочуолунай тутулла тураллар. Маны тэҥэ Таатта Чычымаҕар, Мэҥэ Хаҥалас Мооругар хочуолунайдары саҥардыахтара, Амма Абаҕатын «Емельяновка» түөлбэтигэр модульнай хочуолунайы көһөрүөхтэрэ.

Саҥа хочоулунайдар дьон олоҕун тупсарыыга, чэпчэтиигэ улахан оруоллаахтар. Хомунаалынай өҥөнү оҥоруу хаачыстыбата тупсуоҕа, ититиини биэрии эрэллээх буолуоҕа, көдьүүһэ улаатыаҕа, саахал тахсара биллэ аҕыйыаҕа.

Билигин бу эбийиэктэргэ бырайыак-симиэтэ докумуона оҥоһуллар, техническэй боппуруостар быһаарыллаллар, инженернэй үлэлэр ыытыллаллар, анал тэриллэри таҥаллар. Бу сыл бүтүөр диэри 6 хочуолунай тутуллан уонна саҥардыллан, үлэҕэ киииэҕэ.

Кэнники 5 сыл иһигэр барыта 96 хочуолунай тутулунна уонна саҥардылынна. Холобур, 2022 сылга — 14, 2023 сылга — 6. 2022 сыллаахха Олох-дьаһах хаһаайыстыбатын саҥардыыга көмөлөһөр пуонда өйөбүлүнэн, Уус Алдан улууһун Бороҕон сэлиэнньэтигэр икки эргэ хочуолунай оннугар 18 МВт кыахтаах «Восток-1» хочуолунай тутуллан, үлэҕэ киирбитэ.

Ил Дархан, бырабыыталыстыба дьаһалтатын пресс-сулууспата