Киин куоракка киһи өлүүлээх суол быһылаана таҕыста

Ыам ыйын 3 күнүгэр ИДЬМ сулууспатын дьуһуурунай отделениетыгар суол быһылаана тахсыбытын туһунан иһитиннэрии киирбит.

Киин куорат Окружной уулуссатын 51а №-дээх дьиэ аттыгар 22 саастаах суоппар кыыс «Тойота- Камри» массыынаны түргэн тэтимнээхтик ыытан иһэн, суолтан туораан, уулуссаны сырдатар баҕанаҕа кэтиллибитэ быһаарылынна.

Суһал көмө биригээдэтэ үс пассажиры балыыһаҕа илдьибит. Инники олорбут пассажирдартан биирдэстэрэ нейрохирургия отделениетыгар ыарахан туруктаах, уҥуох тостуулаах киирбит. Суоппар кыыс эчэйиини ылбатаҕа иһитиннэрилиннэ уонна арыгы испэтэҕэ чуолкайданна.

Хомойуох иһин, Дьокуускайдааҕы балыыһаҕа 24 саастаах эдэр пассажир улахан эчэйиилэри ылан ити күн түүн өлбүтэ билиннэ.