Киин куоракка Короленко уулуссаҕа дьиэ балкона умайда

Ыам ыйын 28 күнүгэр киэһэ 19:12 чааска Дьокуускай куорат Короленко уулуссатыгар 9 мэндиэмэннээх элбэх кыбартыыралаах дьиэҕэ уот турда.

Саха  сиринээҕи ыксаллаах быһыы-майгы сулууспата иһитиннэрэринэн, баһаар түмүгэр кыбартыыраҕа 6 кв.м. иэннээх балкон уонна дьиэ мала-сала уокка былдьаммыт.

Дьиэттэн барыта 15 киһи эвакуацияламмыт, кыбартыыра быыһаммыт. Өлбүт, эмсэҕэлээбит киһи суох. Уот турбут төрүөтүнэн, табаҕы тардыы уоту сэрэҕэ суохтук туттууттан тахсыбыт. Буруйдаах уонна хоромньу быһаарыллар. Уоту умуруорууга 45 баһаарынай уонна 9 тиэхиньикэ үлэлээтэ.