Коронавирустан 138 киһи үтүөрбүт
Роспотребнадзор Саха сиринээҕи управлениета иһитиннэрбитинэн, кэнники хонукка 127 киһи ыалдьыбыт, 13 киһи балыыһаҕа киирбит. Ыалдьыбыт дьонтон 48,8% — Дьокуускай куоракка, 51,2% — улуустарга буолара чопчуламмыт. 138 киһи үтүөрбүтэ ыйыллар.
Кулун тутар 22 күнүнээҕи иһитиннэриинэн, ыалдьыбыт дьонтон балыыһаҕа — 12%, тастан — 88% киһи эмтэнэр.
Өрөспүүбүлүкэ лабораторияларыгар кэнники хонукка 1 885 анаалыс, пандемия саҕаланыаҕыттан 2 792 598 тест бэрэбиэркэлэммит.
Коронавируһу утары быһыы бастакы компоненын 721 846 киһи ылбыт. 196 542 киһи ревакцинацияламмыт.
Өрөспүүбүлүкэтээҕи суһал ыстаап иһитиннэрбитинэн, колл-киин «122» нүөмэригэр кэнники хонукка 1 651 киһи төлөпүөнүнэн эрийбит. Доруобуйа харыстабылын «суһал лиинийэтигэр» 58 төлөпүөннээбиттэр.
СӨ Ил Дарханын уонна Бырабыыталыстыбатын пресс-сулууспата
Сообщить об опечатке
Текст, который будет отправлен нашим редакторам: