Кулун тутар 15 күнэ — Утуйар уу күнэ

Бүгүн — аан дойдутааҕы утуйар уу күнэ. Бу күн сыл аайы күн-түүн сааскы тэҥнэһиитин иннинээҕи бээтиниссэҕэ бэлиэтэнэр.

Быйыл күн-түүн сааскы тэҥнэһиитэ кулун тутар 20 күнүгэр буолуоҕа. Бу күн күнүс уонна түүн тэҥнэһэн лоп 12 чаастыы арахсар.

Утуйуу киһиэхэ барытыгар хайаан да ирдэнэр турук. Улахан киһи ортотунан сууккаҕа аҕыс чаас кэриҥэ утуйан ылыахтаах. Уутун аанньа хаммат киһи доруобуйата мөлтүүр, кырдьара түргээтиир, үлэлиир, толкуйдуур дьоҕура лаппа намтыыр. Онон толору утуйа сатааҥ!