Кулун тутарга күнү-дьылы билгэлээһин

Кулун тутар саха итэҕэлигэр Дьөһөгөй Айыы ыйа. Дьөһөгөй Айыы – сылгы таҥарата, халлаан сылыйан, хонууга көҥүл төрүүр, ууһуур.  Кулун тутар балаҕан ыйын батыһар.

Кулун тутарынан саас төһө эрдэлиирин дуу, хойутуурун дуу, сайына хайдах буолуон билгэлииллэр. Ол курдук, Дьэбдьиэй – Ириэһин күн (кулун тутар 14 күнэ) хаардаатаҕына сайына ардахтаах, хотуттан тыалырдаҕына сайына тымныы, сир аһа аҕыйах, арҕааттан, соҕуруулуу-арҕааттан олооһун тыал түстэҕинэ хаар кэлэр, оттон тымныйдаҕына сааһа уһуур, улахан тибиилэр түстэхтэринэ угуттаах сыл диэн билгэлииллэр.

Ый сүүрбэтин диэки күннээх түүн тэҥнэһэллэр. Бу кэмҥэ туллуктар кэлэллэр. Былыргы сахалар туллук үөрэ халыҥ буоллаҕына кус үөрэ эмиэ халыҥ диэн сибикилииллэрэ.