«Кыайыы чүмэчитэ» аахсыйаҕа Горнай улууһа кыттыһар

Бэрдьигэстээххэ түөлбэ олохтоохторо бачыым көтөҕөн, байыаннай дьайыыга сылдьар биир дойдулаахтарыгар «Кыайыы чүмэчитэ» аахсыйаҕа кытталлар.

Бу патриотическай аахсыйаны бастакынан «Сэргэлээх» түөлбэтин олохтоохторо саҕалаатылар, чүмэчилэри оҥороллор. Аахсыйаны түөлбэ олохтооҕо, көхтөөх уопсастыбанньык Тамара Ефремова көҕүлээтэ, алгыһынан саҕалаата. Бэрдьигэстээх нэһилиэгин дьаһалтатын успуорка, ыччакка уонна култуураҕа ааҕыныстыбата өйөөн, анал хос биэрбитэ дьон-сэргэ сүргэтин көтөхтө.

Чүмэчилэри оҥорор матырыйаалларын, тэриллэрин барытын түөлбэ олохтоохторо бэйэлэрэ булан, кыттыһан оҥороллор. Нэһилиэк дьокутаата Тимур Агеев, түөлбэ салайааччыта Туйгууна Терентьева, олохтоохтор биир хамаанда буолан көхтөөхтүк кытталлар.
Кыайыы чүмэчитин оҥоруу аахсыйа эстэпиэтэтин «Үрдэл» түөлбэҕэ (сал. Светлана Лю-Фа) туттардылар.
Алгыстаах кыайыы чүмэчилэрин оҥоруу аахсыйа салҕанар.

Айталина Санникова,

Горнай.

Видеоҕа Туйгууна Терентьева устуута.