Хаартысканы Марта Николаева тиксэрдэ
Ыам ыйын 9 күнүгэр Кыайыы болуоссатыгар үгэс быһыытынан ыытыллар Оһуокайбыт үрдүк таһымнаахтык барда.
Үс көлүөнэ этээччилэр: аҕа саастаах, ыччат уонна оскуола үөрэнээччилэрэ күнүс 1 ч. 15 мүнүүтэттэн 17 ч. 30 мүнүүтэҕэ диэри биир да тохтобула суох Оһуокай түһүлгэтэ буолла. Үтүөлээх этээччи Мария Иванова үөрэнээччилэрэ Оля Мухоплева, Уля Егорова, Витя Васильев, культурнай сырдатар колледж үһүс курсун студеннара кэлэн бүтүөр диэри көхтөөхтүк кытыннылар. СР культуратын үтүөлээх үлэһитэ Ирина Васильевна Абрамова уонна мин саҕаланыаҕыттан бүтүөр диэри атахпытыгар туран Оһуокайбытын ыыттыбыт.
Оһуокай түмсүүтүн бэрэссэдээтэлин солбуйааччы Александр Тарскай техническэй өттүгэр, аппаратура үлэлииригэр куорат мээрийэтин техническэй сулууспатын кытары үлэлэстэ. Быйыл эбиэт кэнниттэн ардах да түстэр, түһүлгэ тохтообото, элбэх дьону хабан олус тэрээһиннээхтик барда. Аар Дархан этээччибит Семен Ильич Черноградскай доруобуйата төһө да алларыйдар,аатырбыт спортсмен күүстээх санаатын ылынан кэлэн, киэҥ түһүлгэни төрүттээтэ. Оһуокай этээччилэртэн Аграфена Герасимова аҕата Ржевка, мин аҕам Берлиҥҥэ тиийэ сэриилэһэн, кыайыы көтөллөнөн кэлэн, аҕаларбытыгар махтанан эттибит. Мэлдьи кыттар ыччаттарбыт Сергей Алексеев, Эдуард Чоросов улахан түһүлгэни таһааран дьон сүргэтин көтөхтүлэр. Саамай бүтэһик түмүк оһуокайы таһаарбыт ХИФУ төрдүс курсун устудьуона Сайыына Шамаева этэригэр бэл ардахпыт тохтоон, дьон санаатын көтөхтө.
Онон Кыайыы 81 сылыгар аналлаах Кыайыы Оһуокайа кыайыыны түстээн, Дьокуускай куорат үрдүнэн куйаарга дуорайда.
Марта Николаева
Мин Кириэс Халдьаайыга кэлиэхпиттэн Мария Фёдоровнаны оскуола остолобуойугар көрөрүм уонна учууталларга ураты ытыктабыллаахтык сыһыаннаһарын бэлиэтиирим.…
Норуот сомоҕолоһуутун күнүн чэрчитинэн Дьокуускайга улахан патриоттуу тыыннаах кэнсиэр ыытыллар. Манна байыаннайдартан турар «Мы Есть…
Анал байыаннай дьайыы кыттыылаахтарын 10 мөлүйүөн солкуобайга диэри иэстэрин тохтотуу быраабылатыгар сокуон үлэлииригэр өссө биир…
Бу күннэргэ хоту дойду үгүс олохтоохторо кыстыыр балыктарын булунаары, айахтарыгар сииллэригэр анаан муус аннынан балыктыыллар.…
Күһүн, кыһын хаар түстэҕинэ, ириэрдэҕинэ, суолга муус-хаар бөлтөркөйдөр үөскээн, массыынаҕа да, сатыы дьоҥҥо да мэһэйдииллэр.…
Бүгүн, алтынньы 29 күнүгэр, Дьокуускай куорат Губинскай уокуругар саҥардыллыбыт Ефимов уулуссата үлэҕэ киирдэ. Бу суол…