Хаартыска: СӨ тырааныспар министиэристибэтин МАХ ханаала
СӨ Тырааныспар уонна суол хаһаайыстыбатын министиэристибэтэ массыынанан айанныыр дьоҥҥо уонна интэриэстээх тэрилтэлэргэ кыһыҥҥы суол сабыллара чугаһаан эрэрин туһунан иһитиннэрэр.
Барыллаан 2026 сыл муус устар 1 күнүттэн мууһунан туоруур сирдэргэ уонна кыһыҥҥы суолларга таһаҕас ыйааһынан түһүмэхтээхтик кыччатыы былааннанар.
Өрөспүүбүлүкэ киин улуустарыгар мууһунан туоруур сирдэринэн уонна кыһыҥҥы суолларынан сырыы муус устар 15 күнүттэн бүтүннүү тохтотуллар. Бу күнтэн тырааныспар бары көрүҥүнэн айанныыр бобуллар. Арктическай уонна хотугу улуустарга өрүһүнэн сырыы муус устар 20-25 күннэригэр түмүктэниэхтээх.
Ыйыллыбыт дааталар барыллаан этиллэллэр, чуолкай болдьоҕо күнтэн-дьылтан тутулуктаах. Көҥүллэнэр ноҕоруусканы уонна туоруур сирдэр сабыллар болдьохторун чуолкайдыыр быһаарыыны хамыыһыйа миэстэтигэр гидрометеорологическай дааннайдарга олоҕуран ылынар. Муус тутулугар тахсар уларыйыылар болдьоҕу өссө уларытыахтарын сөп.
Таһаҕас тиэйээччилэр, олохтоох салайыныы уорганнара уонна дьон олоҕун хааччыйар сулууспалар суол сабыллыан иннинэ наадалаах таһаҕаһы ыраах сытар нэһилиэнньэлээх пууннарга кэмигэр илдьиэхтээхтэр уонна муус устарга тиэрдиллиэхтээх таһаҕас ыйааһына кыра буолуохтааҕын учуоттуохтаахтар.
Суолу туоруур сирдэр туруктарын, хааччахтары киллэрии, араспысаанньа уларыйыытын туһунан наадалаах информация МАХ-ха СӨ Тырааныспарга министиэристибэтин официальнай ханаалыгар суһаллык тахсан иһиэхтэрэ диэн иһитиннэрэллэр.
Норуот сомоҕолоһуутун күнүн чэрчитинэн Дьокуускайга улахан патриоттуу тыыннаах кэнсиэр ыытыллар. Манна байыаннайдартан турар «Мы Есть…
Анал байыаннай дьайыы кыттыылаахтарын 10 мөлүйүөн солкуобайга диэри иэстэрин тохтотуу быраабылатыгар сокуон үлэлииригэр өссө биир…
Бу күннэргэ хоту дойду үгүс олохтоохторо кыстыыр балыктарын булунаары, айахтарыгар сииллэригэр анаан муус аннынан балыктыыллар.…
Күһүн, кыһын хаар түстэҕинэ, ириэрдэҕинэ, суолга муус-хаар бөлтөркөйдөр үөскээн, массыынаҕа да, сатыы дьоҥҥо да мэһэйдииллэр.…
Бүгүн, алтынньы 29 күнүгэр, Дьокуускай куорат Губинскай уокуругар саҥардыллыбыт Ефимов уулуссата үлэҕэ киирдэ. Бу суол…
Быйыл ахсынньыга Саха сиригэр «Хаар баабыр» («Снежный барс») XXVII Өрөспүүбүлүкэтээҕи байыаннай-успуорт оонньуулара былааннаналлар. Бу тэрээһин…